Versets bíblics populars de NHLAVUTELO 14

Comparteix

Kutani ndzi twa rito leri humaka etilweni, ri ku: “Tsala: Ku katekile vafi lava felaka eHosini, ku sungula sweswi!” Moya wu ri: “Ina, leswaku va phyuphya emitirhweni ya vona, hikuva mitirho ya vona ya va landzela.”

Hilaha ku nga kona ku tiyisela ka vakwetsimi, va nga lava hlayisaka ku lerisa ka Xikwembu, ni ku pfumela eka Yesu.

yi vula hi rito leri tlakukeke yi ku: “Chavani Xikwembu mi xi dzunisa, hikuva nkarhi wa ku avanyisa ka xona wu fikile; khinsamelani la endleke tilo ni misava, ni lwandle, ni swihlovo swa mati.”

Kambe ntsumi ya vunharhu yi ti landzela, yi vula hi rito leri tlakukeke yi ku: “Kungakuloko munhu a khongela xivandza ni xifaniso xa xona, a teka ni mfungho emombyeni wa yena, kumbe evokweni ra yena, na yena u ta nwa vhinyo ya vukari bya Xikwembu, leyi cheriweke yi nga hlanganisiwanga exinwelweni xa ku kariha ka xona; kutani u ta xanisiwa endzilweni ni le xivavuleni, emahlweni ka tintsumi leto kwetsima, ni le mahlweni ka Xinyimpfana. Musi wa ku xaniseka ka vona wu mbuluka hi masiku ni masiku, kutani lava gandzelaka xivandza ni xifaniso xa swona, va nga ka va nga kumi ku wisa vusiku ni nhlekanhi, hambi va ri lava amukeleke mfungho wa vito ra xona.”

Kutani ndzi languta, ndzi vona Xinyimpfana xi yimile entshaveni ya Siyoni, xi ri ni lava tsariweke vito ra xona emimombyeni ya vona, va ri 144 000.

Kutani ndzi vona ntsumi yin'wana leyi hahaka exikarhi ka tilo, yi tamele Evhangeli leyi nga riki na ku hela, ku yi dyondzisa lava akeke emisaveni, va ri va matiko hinkwawo, ni tinxaka hinkwato, ni swivongo hinkwaswo

Kutani ntsumi yin'wana ya vumbirhi yi ku: “U wile, u wile, Babilona, muti lowukulu, hikuva u nwisile matiko hinkwawo vhinyo ya vukari bya vuoswi bya yena.”