Versets bíblics populars de TIPISALEMA 40

Comparteix

Ndzi langutele Yehovha hi ku tiyisela, Kutani u ndzi korhamele, a yingisa ku huwelela ka mina. U ndzi humesile ekheleni ra ku onhaka, ni le tshobyeni ra ndzhope; U vekile mikondzo ya nga eribyeni, a tiyisa ku famba ka mina.

U nghenise enon'wini wa mina risimu lerintshwa, Ku dzunisa Xikwembu xa hina. Lavo tala va swi vonile va ve ni ku chava, Kutani va tshembile Yehovha.

Ku katekile munhu la vekaka ku tshemba ka yena eka Yehovha, La nga hundzukeriki eka lava tikukumuxaka ni ka vahembi!

Xikwembu xanga, ndzi tsakela ku endla ku rhandza ka wena! Kutani nawu wa wena wu le mbilwini ya mina.”

Wena Yehovha u nga ka u nga ndzi aleli tintswalo ta wena! Musa wa wena ni ku lulama ka wena, swi ta ndzi hlayisa hi masiku.