Versets bíblics populars de ESTERE 10

Comparteix

Hikuva Muyuda Mordekayi a a ri wa vumbirhi, la tlhandlamaka hosi Ahasuwerusi; a va nkulukumba exikarhi ka Vayuda, ni la tsakisaka eka vunyingi bya varikwavo; a a lavela vanhu va rikwavo tintswalo, a kanelela hinkwavo va rixaka ra yena ku rhula.

Loko yi ri mitirho hinkwayo ya mandla ya yena, ni swiendlo swa yena leswi tlakukeke, ni loko ku ri ku runguriwa ka vukulukumba bya Mordekayi, hilaha hosi yi nga n'wi tlakusa hakona, a ndzi ku, timhaka toleto ti tsariwe ebukwini ya timhaka ta tihosi ta Mediya na Peresi.