Versets bíblics populars de DEUTERONOMA 6

Comparteix

“U ta rhandza Yehovha, Xikwembu xa wena, hi mbilu hinkwayo ya wena, ni moya hinkwawo wa wena, ni matimba hinkwawo ya wena.

U ta yi dyondzisa vana va wena, u yi vula endlwini ya wena, ni le ku endzeni ka wena, ni loko u ya etlela, ni loko u pfuka.

Milawu leyi ndzi ku nyikaka namuntlha yi ta va embilwini ya wena.

“Yingisa, Israele! Yehovha, Xikwembu xa hina, hi xona Xikwembu lexi hanyaka ntsena.

U ta yi bohelela evokweni ra wena, xi va xitsundzuxo xa wena, ni xikombiso exikarhi ka mahlo ya wena

u ta yi tsala etimhandzeni ta yindlu ya wena, ni le timbantini ta wena.

“U ta chava Yehovha, Xikwembu xa wena, u xi tirhela, ni ku hlambanya hi vito ra xona.

“Kutakuloko Yehovha, Xikwembu xa wena, xi ku nghenisile etikweni leri xi hlambanyeleke Abrahama, na Isaka, na Yakobo ku ku nyika rona (yi nga miti leyikulu, leyinene leyi u nga ka u nga yi aki, ni tindlu leti teleke hi rifuwo lero tala, leti u nga ti tatangiki, ni swihlovo leswi ceriweke, leswi u nga swi celangiki, ni tivhinya ni mitlhwari leyi u nga yi byalangiki), kutani kutakuloko u dya, u xurha, u ta chava ku rivala Yehovha la ku humeseke etikweni ra Egipta, endlwini ya vukhumbi.

“Hi wona nawu, ni timhaka, ni ku lerisa, leswi Yehovha Xikwembu xa n'wina, xi leriseke ku mi dyondzisa swona, mi ta swi endla etikweni leri mi nga ta nghena eka rona ku ri fuma; u ta chava Yehovha, Xikwembu xa wena, u ri karhi u hlayisa milawu hinkwayo ya xona, ni ku lerisa hinkwako ka xona loku ndzi ku byelaka; u ta swi hlayisa hi masiku hinkwawo ya ku hanyaka wena, u ri wena, ni n'wana wa wena, ni n'wana wa n'wana wa wena, leswaku masiku ya wena ma ta lehisiwa.

U ta endla leswo lulama ni leswinene emahlweni ka Yehovha leswaku u tsaka, ni leswaku u ya nghena etikweni lerinene, leri Yehovha a ri hlambanyeleke vatata wa wena, u va u ri fuma

hikuva Yehovha, Xikwembu xa wena, la nga exikarhi ka n'wina, i Xikwembu xa rilondzo. Vukari bya Yehovha, Xikwembu xa wena, byi nga ku pfurhela kutani a nga ku herisa emisaveni.

Mi nga tshuki mi landza swikwembu swin'wanyana exikarhi ka swikwembu swa matiko lama nga ta mi rhendzela

“Mi nga tshuki mi ringa Yehovha, Xikwembu xa n'wina, kukotisa leswi mi nga xi ringa eMasa