Versets bíblics populars de KubaseRoma 5

Comparteix

Kodvwa-ke Nkulunkulu sewulukhombisile lutsandvo lwakhe kitsi ngekutsi sisetoni Khristu wafa esikhundleni setfu.

Litsemba alijabhisi, ngobe lutsandvo lwaNkulunkulu selutselwe etinhlitiyweni tetfu ngaMoya Longcwele, lesinikwe yena.

Ngetulu kwaloko siyabonga nasetinhluphekweni tetfu, ngobe siyati kutsi tinhlupheko tiveta kubeketela. Kubeketela kuveta kuciniseka, kuciniseka kudala litsemba.

Njengobe sesentiwe semukeleka kuNkulunkulu kutsi silungile ngekukholwa, sesinekuthula naNkulunkulu ngeNkhosi yetfu Jesu Khristu. Ngaye loJesu Khristu sinekungena ngekukholwa kulomusa lesesime kuwo; siyabonga sijabulela litsemba lebukhosi baNkulunkulu lobutawuba betfu.

Ngobe kwatsi sisebutsakatsaka, Khristu wafela labangamesabi Nkulunkulu; wafa ngesikhatsi lesifanele.

Sesentiwe ngengati yaJesu semukeleka kuNkulunkulu kutsi silungile, ngetulu kwaloko siyawusindziswa ngaye elulakeni lwaNkulunkulu.

Njengobe ngekungalaleli kwemuntfu munye labanyenti baba toni, ngalokufananako ngekulalela kwemuntfu munye longuKhristu labanyenti bentiwa balungelana naNkulunkulu.

Noko akusiko loko kuphela, kodvwa siphindze sijabula kuNkulunkulu ngaJesu Khristu iNkhosi yetfu lokungaye semukeliswe kubuyisana naNkulunkulu.