Versets bíblics populars de Eksodusi 2

Comparteix

Nkulunkulu wakuva kububula kwawo, wase uyasikhumbula sivumelwane sakhe lasenta ku-Abrahama, naku-Isaka, nakuJakobe. Ngako Nkulunkulu wababuka bantfwana baka-Israyeli, wabanaka.

Emvakweminyaka leminyenti Faro waseGibhithe wafa. Ema-Israyeli abubula ngalokugcilatwa kwawo, akhala kuNkulunkulu acela lusito. Kukhala kwawo kwenyuka kwefika kuNkulunkulu.

Watsi nasakhulakhulile lomntfwana, wamtsatsa wammikisa kulendvodzakati yaFaro. Lendvodzakati yaFaro yamfaka esiswini sayo, waba ngumntfwanayo, yatsi: “Njengobe ngimkhiphe emantini, ngitametsa ngitsi nguMosi.”

Indvodzakati yaFaro yakhuluma kulonina, yatsi: “Ngitsatsele nangu umntfwana ungimunyisele yena, mine ngitakuholela.” Ngako lomake walutsatsa loluswane walumunyisa.

Kwase kufika indvodzakati yaFaro itewugeza lapha kulomfula; timphekeleteli tayo tatihamba tigudla lusentse lwemfula. Yatsi nayisibona lesitja sisekhatsi emhlangeni, yatfuma imphekeleteli yayo yatsi asilandvwe.

Kwatsi nasakhulile Mosi, wahamba wavakashela bantfu besive sakubo, emaHebheru; wabona indlela lababephocelelwa ngayo kutsi bente umsebenti lomatima. Wabona umGibhithe ashaya lomunye wesive sakubo, umHebheru. Mosi wacalata ngala nangala, watsi kube abone kutsi kute lombonako, wabulala lomGibhithe; wammbela esihlabatsini.