Versets bíblics populars de Dutheronomi 8

Comparteix

Kodvwa khumbula Simakadze Nkulunkulu wakho, ngobe nguye lokunika emandla ekukhitsita lomcebo, abuye agcizelele sivumelwane sakhe lasenta ngesifungo kuboyihlo njengalamuhla.

Wanitfobisa, wanenta nalamba, wabe sewunondla ngemana, lenaningayati nekuyati nine naboyihlo benu, wentela kunifundzisa kutsi umuntfu akaphili ngesinkhwa sodvwa kodvwa nangawo onkhe emavi laphuma emlonyeni waSimakadze.

Khumbulani kutsi Simakadze Nkulunkulu wenu wanihola njani kuyo yonkhe indlela yenu ehlane kuleminyaka lengema-40, wanitfobisa wanivivinya, khona atewukwati lenanikucondzile enhlitiyweni yenu nekutsi nitayigcina yini imiyalo yakhe, nome cha.

Wena ungatitjela utsi: ‘Ngemandla ami netikhwepha temikhono yami letingikhitsitele wonkhe lomcebo.’

“Caphelani-ke kutsi ningamkhohlwa Simakadze Nkulunkulu wenu ngekungagcini imiyalo yakhe, nemitsetfo yakhe kanye netimiso takhe lengininika tona lamuhla.

Yatini-ke etinhlitiyweni tenu kutsi njengobe indvodza iyicondzisa ibuye iyijezise indvodzana yayo, kanjalo Simakadze Nkulunkulu wenu uyanicondzisa abuye anijezise.

Nase nidlile nesutsa, dvumisani Simakadze Nkulunkulu wenu ngalelive lelihle laniphe lona.”

Gcinani imiyalo yaSimakadze Nkulunkulu wenu, nihambe etindleleni takhe nimhloniphe.

Wanipha imana kutsi nitewudla ehlane, intfo boyihlo lababengazange sebayati, entela kunitfobisa anivivinye, khona kutawutsi ekugcineni kunihambele kahle.

Ngaphandle kwaloko niyawutsi nase nidle nesutsa, nakha netindlu letinhle, natinta, nemihlambi yetifuyo tenu seyandzile, nesiliva yenu negolide yenu seyandzile, nako konkhe leninako sekwandzile, inhlitiyo yenu bese iyakhukhumala, nize nikhohlwe Simakadze Nkulunkulu wenu, lowanikhipha eGibhithe, eveni lebugcili.

Ngobe Simakadze Nkulunkulu wenu uniyisa eveni lelihle: live lelinemifula netitiba temanti, netiyalu letigeleta etihosheni nasetintsabeni; live lelinakolo, nebhali, nemivini, nemakhiwa, nemahananandza, nemafutsa emncumo, neluju lwetinyosi; live lapho singeke sesweleke khona sinkhwa, ningeke neswele lutfo; live lapho emadvwala akhona ayinsimbi, lapho ningemba khona litfusi etintsabeni talo.

“Caphelani kutsi nilandzela yonkhe imitsetfo lengininika yona lamuhla, khona nitewuphila, nandze, ningene nilidle lelive Simakadze laletsembisa ngesifungo kubokhokho benu.

Timphahla tenu atizange tiguge, netinyawo tenu atizange tivuvuke kuleminyaka lengema-40.

Wanihola nadzabula ekhatsi lihlane lelikhulukati nalelesabekako, live lelomile nalelite emanti, lelinetinyoka letinesihlungu nabofecela. Wanitfululela emanti edvwaleni lelilukhuni.