Versets bíblics populars de 1 Emakhosi 3

Comparteix

Ngako-ke nika inceku yakho inhlitiyo lehlakaniphile nengcondvo lehlutekile lekwati kwehlukanisa lokuhle nalokubi, kuze yehlulele kahle lesive sakho. Ngobe ngubani nje longakhona kubusa lesive sakho lesikhulu kangaka?”

ngitakunika loko lokucelile. Ngitakunika inhlitiyo lehlakaniphile nengcondvo lehlutekile kanye nelwati loluphelele, kangangekutsi akusayikuphindze kube khona lonjengawe, futsi akazange asabekhona kucala kunawe.

Ngako Nkulunkulu watsi kuye: “Njengobe ucele loku, ungakaticeleli imphilo lendze nome bunjinga, ungakaceli nekubhujiswa kwetitsa takho, kodvwa ucele inhlitiyo lehlakaniphile nengcondo lehlutekile, uze uhole ngekulunga

Ngetulu kwaloko ngitakupha naloku longakakuceli, yebo, bunjinga, nekuhlonishwa, neludvumo, kuze kutsi ngetikhatsi takho kubete nayinye inkhosi emhlabeni lefanana nawe.

Nawutawuhamba etindleleni tami, uhloniphe netimiso tami nemiyalo yami njengeyihlo Davide, ngiyakukunika nemphilo lendze.”

Simakadze watibonakalisa kuSolomoni ebusuku ngesimo seliphupho, ngesikhatsi aseGibeyoni. Nkulunkulu wakhuluma kuye, watsi: “Cela nome ngabe yini lofuna kutsi ngikuphe yona.”

“Manje-ke, Simakadze Nkulunkulu wami, sewubeke inceku yakho kutsi ibe yinkhosi endzaweni yababe Davide. Kodvwa mine ngisengumfanyana nje, ngimncane, angati nekwati kutsi ngitawenta kanjani umsebenti wami.

Simakadze kwamjabulisa kutsi Solomoni acele loko.

Solomoni waphendvula watsi: “Wentela inceku yakho, Davide babe wami, umusa lomkhulu, ngobe yena abetsembekile kuwe futsi alungile anenhlitiyo lecotfo. Wena uchubeke nawo lomusa wakho kuye, waze wamupha nendvodzana yakhe letawuhlala esihlalweni sakhe sebukhosi lamuhla nje.

Inceku yakho ilapha nje emkhatsini wesive sakho losikhetsile, sive lesikhulu, sive lesingenawubalwa ngumuntfu ngebunyenti.