Versets bíblics populars de 1 kubaseKorinthe 12

Comparteix

Ngulowo nalowo uphiwa lokubonakalisa Moya, kuze sakhane.

Kepha nine ningumtimba waKhristu netitfo ngabanye.

Nangabe kuhlupheka sitfo sinye, kuhlupheka titfo tonkhe kanye naso; nangabe kudvunyiswa sitfo sinye, kujabula titfo tonkhe kanye naso.

Lomunye uphiwa ngaMoya livi lekuhlakanipha, kepha lomunye livi lekwati, ngaye yena lowo Moya, lomunye kukholwa, ngaye lowo Moya, lomunye tiphiwo tekuphilisa, ngaye lowo Moya munye, lomunye kwenta imisebenti yemandla, lomunye kuphrofetha, lomunye kwehlukanisa imimoya, lomunye kukhuluma ngetilimi, lomunye kuhumusha tilimi.

Konkhe loko kusetjentwa nguye lowo Moya munye, ababela ngulowo nalowo njengekutsandza kwakhe.

kuze kubete kwehlukana emtimbeni kepha titfo tonkhe tinakekelane ngalokufananako.

Kukhona tiphiwo temusa letehlukene, kepha munye lowo Moya. Kukhona imisebenti leminyenti leyehlukene yekusitana; kepha yinye leyo Nkhosi. Kukhona imisebenti yemandla leyehlukene, kepha munye lowo Nkulunkulu losebenta konkhe kubo bonkhe.

Nkulunkulu umise labatsite ebandleni: kucala baphostoli, kwesibili baphrofethi, kwesitsatfu bafundzisi, bese kuba ngulabenta imisebenti yemandla, nalabanetiphiwo temusa tekuphilisa, nebasiti, nebaholi, nalabakhuluma ngetilimi.

Umtimba awusiso sitfo sinye, kodvwa titfo letinyenti.

Kantsi nje ngempela leto titfo temtimba lekungatsi tibutsakatsaka kunaletinye tiyadzingeka.

Kube umtimba wonkhe bewuliso, ngabe uva ngani? Kube umtimba wonkhe bewuyindlebe, ngabe liphunga liviwa ngani? Kodvwa manje Nkulunkulu umisile titfo tonkhe, nguleso naleso emtimbeni, njengekutsandza kwakhe. Kube kambe titfo tonkhe betisitfo sinye, umtimba ngabe uphi?