Versets bíblics populars de Kenese 39

Comparteix

Sa i ai le ALI‘I ‘iā Iosefa, o le tagata manuia lava ia; sa i le fale o lona ali‘i o le Aikupito.

‘Ua ia tu‘u ana mea uma i le lima o Iosefa, ‘ua na lē iloa sana mea na o le mea e ‘ai sa ‘ai ai o ia. Sa ‘aulelei le tino o Iosefa ma ona mata e lālelei ia.

‘Ua tu‘u atu e le ali‘i o le fale puipui i le pule a Iosefa o ē ‘ua fusifusia uma sa i le fale puipui; o mea uma na latou faia i lea mea, o ia lava na faia.

‘Ua tago atu lona ali‘i ‘iā Iosefa, ‘ua tu‘u ‘iā te ia i le fale puipui, o le mea ‘ua fusifusia ai ē ‘ua fusifusia e le tupu; sa i ai o ia i le fale puipui. Sa ‘iā Iosefa le ALI‘I, ‘ua ia alofa ‘iā te ia, ‘ua na fa‘atupuina le alofa o le ali‘i o le fale puipui ‘iā te ia.

E mulimuli ane i nei mea, ‘ua tepa ane le faletua o lona ali‘i ‘iā Iosefa, ‘ua fai mai, “Tā te momoe.” ‘Ae lē mafai o ia, ma ‘ua fai atu i le faletua o lona ali‘i, “Fa‘auta, e lē iloa e lo‘u ali‘i se mea ‘ua ‘iā te a‘u i le fale, o ana mea uma fo‘i ‘ua ia tu‘u mai i lo‘u lima. E leai se sili ‘iā te a‘u i le fale nei, ‘ua na lē tāofi sina mea ‘iā te a‘u, ‘ua na o oe, auā o oe lona faletua; pe fa‘apefea ‘ona ‘ou faia lenei mea leaga tele ma ‘ou agasala ai i le Atua?”

‘Ua o‘o i le tasi aso, ‘ua alu atu ai o ia i le fale e fai ai lana galuega, e leai se tasi tagata o le ‘āiga sa i le fale. ‘Ona tago atu lea o ia i lona ‘ofu, o lo‘o fa‘apea, “Tā te momoe;” ‘ona tu‘u lea e ia o lona ‘ofu i lona lima ‘ua sola, ‘ua alu i fafo