Versets bíblics populars de Esoto 8

Comparteix

‘Ua fa‘apea ‘ona fai fo‘i e taulāitu ‘iā latou togafiti fa‘ataulāitu, ‘ina ‘ia tutupu a‘e o ‘utu, ‘ae lē mafaia; sa i ai fo‘i o ‘utu i tagata ‘atoa ma manu. ‘Ona fai atu lea o taulāitu ‘iā Farao, “O le ‘a‘ao lenei o le Atua.” A ‘ua ma‘a‘a pea le loto o Farao, e le‘i fa‘alogo o ia ‘iā te i lā‘ua, fa‘apei ‘ona fetalai mai ai o le ALI‘I.

‘Ua fetalai mai le ALI‘I ‘iā Mose, “‘Inā alu ia ‘iā Farao ma fai atu ‘iā te ia, ‘O lo‘o fa‘apea ‘ona fetalai mai o le ALI‘I; ‘ia e tu‘u mai lo‘u nu‘u e ō, ‘ina ‘ia latou ‘au‘auna mai ‘iā te a‘u.

‘Ua iloa e Farao, ‘ua nā maua sina mapu, ‘ona fa‘ama‘a‘a ai lea e ia o lona loto ma na lē fa‘alogo ‘iā te i lā‘ua, fa‘apei ‘ona fetalai mai ai o le ALI‘I.

‘Āfai fo‘i ‘e te lē mafai ‘ona tu‘u mai o i latou e ō, fa‘auta, ‘ou te taia lou nu‘u uma lava i rane.

‘Ona fetalai mai lea o le ALI‘I ‘iā Mose, “‘Ia e fai atu ‘iā Arona, ‘fa‘aloaloa ia lou to‘oto‘o, ma tā a‘i le efuefu o le fanua, ‘ina ‘ia liu ‘utu i le nu‘u uma lava o Aikupito.’”

‘Ona fa‘apea lava lea ‘ona fai e le ALI‘I, ‘ua o‘o mai ai garova e tele lava i le fale o Farao, ma fale o ana ‘au‘auna, ma le nu‘u ‘atoa uma o Aikupito; ‘ua leaga le nu‘u ‘ona o le vao garova.