Versets bíblics populars de Esoto 20

Comparteix

O a‘u o le ALI‘I lou Atua, o lē na ‘aumaia oe nai le nu‘u o Aikupito, o le mea sa nofo pologa ai. ‘Aua ne‘i e fai mo oe ni atua ‘ese i o‘u luma.

‘Aua ‘e te fai mo oe se tupua ‘ua tā po o se fa‘atusa lava o se mea o i le lagi i lugā, po o i le fanua i lalō, po o i le sami o i lalo o le fanua; ‘aua ‘e te ifo i ai, ‘aua fo‘i ‘e te ‘au‘auna i ai; auā o a‘u o le ALI‘I lou Atua, o le Atua fuā, o lē taui atu i fānau o le amioletonu a o latou mātua, e o‘o i le tupulaga e tolu ma le fa o ē ‘ino‘ino mai ‘iā te a‘u.

‘Ia e āva i lou tamā ma lou tinā, ‘ina ‘ia fa‘alevaleva ai ou aso i le nu‘u o le a foa‘iina mai e le ALI‘I lou Atua ‘iā te oe.

‘Ia e manatua le aso sapati ‘e te fa‘apa‘iaina.

‘Aua ‘e te ta‘u fua le suafa o le ALI‘I lou Atua; auā e lē fa‘asaoina e le ALI‘I o lē ta‘u fua i lona suafa.

O aso e ono ‘e te galue ai, ma fai ai au galuega uma lava; a o le aso fitu o le sapati lea i le ALI‘I lou Atua; ‘aua ‘e te fai ai se galuega e tasi, o oe, ma lou atali‘i, ma lou afafine, o lau ‘au‘auna tane, ma lau ‘au‘auna fafine, o au manu fo‘i, ma le tagata ‘ese o lo‘o mau ma oe.

‘Aua ‘e te mana‘o i le fale o lē lua te tuā‘oi, ‘aua ‘e te mana‘o i le avā a lē lua te tuā‘oi, po o lana ‘au‘auna tane, po o lana ‘au‘auna fafine, po o lana povi, po o lana asini, po o se tasi mea a lē lua te tuā‘oi.

‘Aua ‘e te molimau pepelo i lē lua te tuā‘oi.

‘Aua ‘e te mulilua.

‘Aua ‘e te fasioti tagata.

‘Aua ‘e te gaoi.