Versets bíblics populars de Esoto 2

Comparteix

‘Ua fa‘afofoga fo‘i le Atua i lo latou feoi, ‘ua manatua fo‘i e le Atua i lana feagaiga na na faia ma Aperaamo, ma Isaako, ‘atoa ma Iakopo. ‘Ua silasila mai fo‘i le Atua i le fānauga a Isaraelu ma ‘ua silafia i latou e le Atua.

‘Ua mavae atu ia aso e tele, ‘ona oti lea o le tupu o Aikupito; a ‘ua mapuitigā le fānauga a Isaraelu ‘ona o le galuega; ‘ua ‘alalaga fo‘i, ‘ua o‘o a‘e lava i le Atua lo latou ‘alaga ‘ona o la latou galuega.

‘Ua matua le tama, ‘ona ia avatu lea i le afafine o Farao, i le ‘ua fai ai māna tama; ‘ua ia fa‘aigoa ‘iā te ia, o Mose, “auā” o lo‘o fa‘apea ana, “Na ‘ou tōina a‘e o ia nai le vai.”

‘Ona fai atu lea o le afafine o Farao ‘iā te ia, “‘Ia e ‘ave lenei tama ma tausi i ai ma a‘u, ‘ou te avatu ai fo‘i ‘iā te oe le totogi;” ‘ona ‘ave lea o le tama e le fafine ma na tausia.

‘Ona alu ifo lea o le afafine o Farao e tā‘ele i le vaitafe, o sāvavali ane fo‘i lona galu teine i le ‘auvai o le vaitafe; ‘ua iloa atu e ia le ‘ato o lo‘o i le vao utuutu, ‘ona ‘auina atu lea e ia o lana ‘au‘auna fafine na te ‘aumaia.

‘Ua o‘o i ona po na matua ai Mose, ‘ona alu atu lea o ia i ona uso, ‘ua na va‘ai atu fo‘i ‘iā latou avega mamafa; ‘ua ia iloa fo‘i le tagata Aikupito ‘ua fasi le tagata sa Eperū o so lona ‘au uso. ‘Ua ia feva‘ava‘aia‘i i lea itū ma lea itū, ‘ua iloa e ia e leai se tagata, ‘ona fasi loa e ia le Aikupito ma ‘ua natia i le oneone.