Versets bíblics populars de Naṉ. 7

Comparteix

Nuwái kanun najana umikmatai Yus nin chichareak “Áminkia nékajme. Ashí iismasha amek péṉker túriniaitme. Tuma asam ame nuwemji̱a̱i̱ uchirmiji̱a̱i̱ tura najatmiji̱a̱i̱ kanunam eṉkemátarum.

Tura 150 tsawant jeasha áma̱a̱ka ku̱yu̱tsuk awamiayi.

Nuwái 600 uwí takakuya nú uwitin emka nantu nuyá̱ chíkich nantu 17 tsawantin nayantsanmaya̱ initia̱ púkuni kakaram jíintrarmiayi tura yakiya̱sha entsa uraniar tunaja̱i̱ métek wajawarmiayi.

Nuní̱ túrunamtai aentssha yajasmasha nanamtincha japinias yujá armia nusha kame ashí iwiaaku armia nuka jákarmiayi. Tura aya Nuwaik nuyá̱ niji̱a̱i̱ uunt kanunam eṉkemáwarmia nuke uwemprarmiayi.

Tsawai̱sha káshisha 40 tsawant peṉké chi̱wia̱tsuk yutukmiayi.