Versets bíblics populars de JOANE 6

Comparteix

O Jesu ki vi tangara, ki vi: “Inê nga ki na bereti na mauriha mora ma tarema. Manga na enoni, ma ki arâ me i pasiku, ma ki tongesuriê, ngaia ki asa iana hagetage, vi ge page magê, se vige pasi tono.

Ngaia nga ki na Higona Apu, i votoa na mauriha mora. Ma tanga na enoni na tarana ngekana ki bara ngavê. Renigi na tamasinga, gê bani visigi tangagamu, na Higona Apu, i votoa na mauriha, ki angarigamu.

Siana kamu tagara tangagi na ngêra, ga girara kakaga se ga marasi, ma kamu tagara hete tanga na ngêra, i girara i votoa na mauriha mora ma tarema. O Karena Enoni ki page vategamu na ani ngekê na ngêra, renia God Vaemana ki hagabângenia, vi bani vatea na raramohana.”

Renia na obaniha iana o Vaemaku ki manga ikê: na enoni hato, ga bâgirara o Karena ma ka tongesuria, ki tuguhira, ga nahunia na mauriha mora ma tarema. Ma inê kê page hagamaurira igê na hagahato tangiani.”

O Jesu ki arami, ki vi: “Na marâ, God i obanigamu, vi gamu tanugi, ki manga ikê: mu tongesuria na ani, i bani hagatorangenia.”

Na ara ni enoni, o Vaemaku ki vateê me, ngaia ki page hakuniê. I asa, be kitenia na enoni, i hakuniê

O Simone Petero ki arami, ki vi: “Araha, ma ti nikâ kanimi page hakunia? Igo nga ki na ani, go girara go votoa na mauriha mora ma tarema renigi na tamasinga iamu.

Inê nga ki na bereti na mauriha mora ma tarema, i râ me tenia God. Manga ta na enoni, ma ki ngaua na bereti ngekê, ngaia ki page mauri tare ma tarema. Ma na bereti, gê page vatea, ngaia ki na hasigoku, gê tagarenia, hanana na enoni i maveta ka nahunia na morana na mauriha renia.”

I asa ta na enoni, vi ge hakuniê, manga vi o Vaemaku, i hagatorangeniê, ma ki pe unia me tangê. Ma inê kê page hagamauria igê na hagahato tangiani.

Suria na bereti, God i votoa, ngaia ki na ani, i râ me tenia God, ma ki votoa na mêriha mora tangara na enoni hato i maveta.”

Inê nga ki na bereti na mauriha mora ma tarema.

O Jesu ki têgi na bereti, ma ki visia koro God renigi, ma ki vatungira na enoni renigi. Tagenana ma renirerua na siare, ma ngaira hato ka ngê ararira, hanana ga ngê masu. Matena ga bani ngê masu, o Jesu ki vi tangara na kariana, ki vi: “Mu ruguni haku na ngêra, ga hita, i era ma, ka erasigi.”

Matena na kariana ka haruta ka hagarangi tarê, ngaira ka bâsia o Jesu, i arâ i basina na rano. Ngaia ki hagarangia me na kere haka, ma ngaira ka magu ngavê. O Jesu ki vi tangara, ki vi: “Inê nga! Siana kamu magu!”