Versets bíblics populars de JOANE 10

Comparteix

Na mane hanago ki arâ ma me, hanana vi hanagora, nahuira ma ki hagaerasira na sipi. Nga noga ma inê, inê kê râ me, hanana vi ngaira ka mauri, ma ka nahunia na mauriha mora ngavê.

“Na mane, i marupera maninga na sipi, inê nga. Na mane, i marupera maninga na sipi, ngaia ki agana, ki meme, hanana ga tahitahi na sipi.

Na sipi iaku ngaira ka têtê viteaku. Inê kê aitangisira, ma ngaira ka tari suriê.

Inê kê vatera na mêriha mora ma tarema, ma ngaira ki asa hagetage, vi ge page me, ma ki asa ta na enoni ge girara, vi ge tahurara râ teniê.

Inê nga ka na maa ni ruma. Na ani, i bêbanu igê na maa ni ruma, inê, ngaia ki page tahitahi. Ngaia ki page bêbanu me ki aporo huhura vê, ma ki page tarahua na go koro.

Na mane, i marupera maninga na sipi, inê nga. Inê kê aitangisira na sipi iaku mareku, ma ngaira nogata ka aitangisiê inê.

Na ani getera hato ka pe maratorata na ani, o Vaemaku i bani vateê renira, ma ki asa ta na enoni, ge girara, vi ge tahurara râ tenia o Vaemaku, i marupera. O Vaemaku menê kamuru na vere tage togo ma.”

I tagenana ma o Vaemaku i aitangisiê inê, menê nogaku kê aitangisia ngaia. Ma kê agana, kê meme, hanana vi ngaira ka tahitahi.

I asa ta na enoni, vi ge nahuiê be me, manga vi inê, ma kê pe hagamarumungenia. Inê mareku kê aganaria na mera. I oto tangê, vi gê meme, ma ki oto tangê nikâ, vi gê mauri aporo. Na tarana ngekana ki na tarana, o Vaemaku i bani naka tangê.”

Ma hemuri o Jesu ki vi tangara nikâ, ki vi: “I monari, be vi tangagamu: inê nga kanigê manga na maa ni ruma tangara na sipi.

Na mane, ga vuria, hanana vi bâbâsurira na sipi, ngaia ki mareha vi na avanuta na sipi. Tahema ngaia ki pe marupera maninga. Matena i bâsia râ na o vasiga, i arâ me, ngaia ki panira so na sipi, ma ki gavagava. Ma na o vasiga ki page taburia ta na sipi, ma na ani getera ka totoko.

O Jesu ki vi: “I monari, be vi tangagamu: manga ta na mane, ma ki bêbanu i ruma ni sipi, mareha vi ge bêbanu igê na maa ni ruma, ma ki hanehane banu ma i tagua, ngaia ki na mane hanago, se na manero.