Versets bíblics populars de JAKOBO 1

Comparteix

Goaku! I koro, kamu vagevage ngavê, matena igê na ani ni mavê na heuhungiha ga tarahugamu, renia mu girara, i pe asa iami, vi gamu hatamia na mamasiaganiha manga vi na tongesuriha iami, ma ki ramoramo ki teharigi na heuhungiha ngegana.

Ma ki manga ta na hitangimi, ma ki pe tako mataha, i koro, ki nungia God, ma ngaia ki page vatea renia, suria God ki mamahata bâraha, ma ki votovoto purua tangara na enoni hato.

Goaku koro, mu takusia aporo na tarana ngekê. Na ara ni enoni i koro, ki karinga maninga rêrê, ma siana ki hatani tamasi rêrê, ma siana ki hatani mangariaga rêrê.

Siana hagetage, kamu kasia na tongesuriha iami, henaka vi na anima i he na mamasiaganiha i tarahugamu, hanana mu page korokoro teha hagetage igê na ara ni marâ.

Siana kamu hagaparugamu so maremi renia na rongoha ma renia na tamasinga iana. Ma kamu katogi hete na marâ, mu rongogi.

I babarisi na enoni, i gatagata tare, ki rêra pusigi na heuhungiha. Renia matena i ramoramo teharia na uhungiha, ngaia ki page tavoa na votovoto na mauriha mora, na mena, God i bani surua tangara na enoni, ga takuia.

Na ara ni votovoto iana God ka koro, ma na ara ni votovoto koro teha ka râ me tenia i pasina God, i hagavoragi na marara i vavearo. Ngaia ki pe riariaga, ma ki pe murisigegia, ma ki pe panigia so igê na roto hono.

Renia na enoni, i rongoa ma na tamasinga, ma ki pe tanua ta na marâ, i rongoa, ngaia ki manga na mane, i bâsia marena igê na kilasi. Ngaia ki bâsia marena, ma hemuri ki rêra râ pania, ma ki hata ni bonotenia, manga hanana i bâ.

Na rotu i koro ma ki oto i maana God Vaemaka ngaia ki manga ikê: ka marupera na kare banogo ma na gete na nâ igê na mamasiaganiha iata, ma ka hagatê tenia na eratana i maveta.

Manga na heuhungiha, ma ki tarahua ta na enoni, siana ki vivi, “God kani uhungiê.” Suria na eraha ki asa hagetage, vi ge uhungia God, ma God nogana ki pe uhungia na enoni. Ma na teniha era iana so marena hete na enoni kani uhungia, ki hagamua, ma ki okea râ.

Na kirisitiano i matareha, i koro, ki vagevage, matena God i kasia akê.