Versets bíblics populars de HAGONEGAHANI 15

Comparteix

O Abaramo ki tongesuria na Araha. Tahema na Araha ki obakoro renia, suria na parongana ki koro i maana.

I murina ngekana o Abaramo ki marute, vi na Araha ki vi tanga, ki vi: “Abaramo, siana ko magu. Inê ka na bêata iamu. Inê be anumasigo tenigi na ani mavê na eraha. Inê be mamahata ngavê tangago.”

Na Araha ki mehura o Abaramo ma i metara ngaia ki vi tanga igê, ki vi: “Gu bâsigi akê na higu i vavearo. I hega, i arari ma vari vigo tomanigi? I bara ngavê. Oi, na raraha iamu ka page rakorako teha ngavê manga ngegana.”

Ma na Araha ki tamasi nikâ tanga o Abaramo, ki vi: “O Eliesere ngekana ki asa, vige page nahunigi.”

Na Araha ki vi tanga, ki vi: “Na raraha iamu ka page mamahuara igê na agua getea. Ngaira ka page vora re na kare vurivuri i ngekana ma ka page mamasiaga igê surigi na tangarê harisi ge he.

Ma o Abaramo ki arami, ki vi: “Araha God iaku, na mahatanga iamu ki girara i tamaniê marata, suria inê kê pe apara kare? Ngaia ma o Eliesere ni Tamasiko kani page nahunigi na nahuniga hato iaku, matena gê meme.

I ngekana nga na Araha ki naka na suruheri iana henia o Abaramo, ki vi: “Inê kê tohe, vigê haganahunira na raraha iamu renia na mako hagenani, i bogo râ i Esipito tanga i ve i Uparatesi

Na heta na apaparaha ka page aporo me ikê, suria igê na matena ngekana inê kê page hagaitangira igê na Amorita, ga oga ikê. Inê kê page tarigenira hura, suria igê na matena ngekana ngaira ka page erataga ngavê.”