Versets bíblics populars de GALASIA 5

Comparteix

Ma na Higona Apu ki katora na enoni, ka hetakuiheri, ka vagevage monari i obata, ka marape, ka piringiape, ka hekomaniheri, ka hekorokoro, ka hetongesurige, ka haritagi, ma ka hagaotora mareta. I asa na ramata, vige tamasi pusigi na tarani mangagi na ani ngegana.

Na takotako iaku ki manga ikê: na Higona Apu ki araria, i hagaotogi na mêriha iami, ma siana kamu arâ surigi na teniha era i obami.

Na Higona Apu ki bani votoa na mauriha tangagia. Tahema i koro, ki hagaotogi na mêrihaka.

Ma na kariana o Kirisito Jesu ka bani hagamesigi na parongata era henigi na teniha era ma na obaniha era.

Na ara ni enoni ka bani giraragi na marâ, ga voravora me tenia na teniha era i obana na enoni. Renigi na teniha era ngegana i obata na enoni, ngaira ka gamogamo ma ka paronga era, ma ka tatagara bera. Ngaira ka vogasira na ataro, ma ka hekuasi. Na enoni ka hemeronge, ka heariha, ka hemangari, ma ka heparoparo. Ngaira ka hevoavoa so mareta tani ma tani. Ngaira ka hengarira na enoni getera, ka totono papasi ma ki ruguhira, ka tono ma ka ngêngê papasi, ma ka mâmâ bera, ma ka tanugi na ani getigi na marâ, ga mangagi na tarani ngegana. Inê kê vi tangagamu, manga gê bani vi tangagamu i nago: na enoni ga katogi na tarani ngegana, ki asa iata, vi ge page têa na tamasinga iana God na Araha.

Ma igamu, goaku igê na tongesuriha, God ki bani obanigamu bâraha, vi gamu aharupa. Ma renia mu aharupa igê na tarana ngekana, siana kamu takusia, vi i koro ma, kani vigamu arâ surigi na tarani era, na apemi ga tenigi. Mareha! Mu hetakuiheri ma kamu hekomaniheri.

Renia na teniha era i obana na enoni ki rêrapusigi na marâ, na Higona Apu i obanigi. Ma na marâ na Higona Apu i obanigi, ka rêrapusigi na teniha era i obana na enoni. Ngairerua karu hemeronge. Tahema i pe ararigamu, vi gamu tanugi na tarani, mu tenigi.

Na ramata gi tage ki hagatarobêgi na Ramata hato iana o Moise. Na ramata ngekê ki vi: “Go takuira na enoni getera manga igo maremu.”

Siana igia ka paroparo, se viga hemangari, se viga hengari.

Igia ka aharupa ngavê, renia o Kirisito i bani rupasigia! I manga ngekê mu ramoramo, kamu aharupa tare, hanana siana ka rakugamu aporo.