Versets bíblics populars de Hebreos 8

Comparteix

Owanaa nonishironkatairi ikaaripiroshiriyitaki, Ari nompiyakotainiri.

Japiitakiro jiñaawaitaki iijatzi, ikantzi: Jiroka owakiraari kajyaakaawakaantsi jiñiiri paata Israel-mirinkaiti: Ari niyoshiritakaayitairi kamiithari onkaati jantayitairi. Onkimiwaityaawo nosankinashiritaatyiinirimi nokantakaantani, Naakataki inkimitakaantai Iwawani, Iriiyitaki nashitaiyaari Naaka.

Tii okowajaantai jiyotaawakaawaitaiya, Apa ikantayitairi ijyininka: “Piyoshiripirotairi Awinkathariti”. Tima maawoni jiyoyitaina. Ari jiyoyitaina ñaapiroriiti iijatzi ashironkaariiti, maawoni.

Jiroka kowityainchari, tima ikantaitaki pairani: Ikantzi Awinkathariti: Paminiro onkaati awijatsini paata, Ari napiitairo ontzimi nantzimotairiri icharinipaini Israel-ni, icharinipaini Judá-ni.

Jiroka iroñaaka otzinkamipirotari ikantaitakiri: Iriitajaantaki Cristo Ompiratasorintsiwintairi, iri saikaatsiri jakopiroriki Pinkatharipirori, itsipataari ipinkathariwintantai inkitiki.