Versets bíblics populars de Noca 13

Comparteix

—Eꞌe de, yani oe esecuejjani biso nei edobiquijji eyahuasijje. Joya jjapeequi sa cuani enijje ma esecuejjani biso neijje dobiqui majje poquije eyahuasijje. Beca cuana ca ca poqui ajja eyahuasijje, enijje jjapeequi ajja jjejojo.

Oe epona moꞌaa ania cua jomajo. Edosiquianaja jjamoꞌaaqui meeꞌyo cua yahuajo. Quea huiso nee nee, 18 eshequiajame epona ejjamoꞌaaquiꞌyo ania cua. Jesosaa oya ba majje jama huohuiꞌajjame aca cua baꞌa: —¡Epona, cuecue! Eyaya miya jjadaasapiqui meejeꞌyo.

Majoya Jesosa que cueajo Jesosaa emeya napa cajje epi nei nequiꞌya cua. Ma eponaa Eyacuiñajji bihuia ca cua.

Eꞌe, jjashahuabaquicue jiquio esohuijo jama baꞌa: Beca cuana jjeya ona huoojeaꞌyojji cuani eyajo ona huoojeaꞌyojji pojjeama cuajeꞌyo. Joya jjeya ona huoojeaꞌyojji pojjeama ca ca eyajo ona huoojeaꞌyojji nei nei cuajeꞌyo e jayojja —jamaya Jesosa cua.

Eꞌe, eya oe equi mese jayojja. Equi meseya esecuejjani caꞌa caꞌyonaje, beca cuana edobiqui cuajejje. Majoya esecuejo tii nequijeaje. Oya cuana jama poꞌajja nequinaje baꞌa: “Equi mese, ¡caꞌapejocue ecuana edobiquijji!” Equi mese jama cuanaje baꞌa: “Chojja, ecuea miquianaya ba jjima, de”.

Eyaya huohuije oꞌoya, miquianaya Eyacuiñajji nijje jjapeequi jjima po majje cuaqui yasijje poquijeꞌyo, de —jamaya Jesosa cua.

Majoya aje oya jama cuanaje baꞌa: “Chojja, ecuea miquianaya ba jjima. ¡Poquicue quea huesha, quea mimishi nee nee mi ca cuanaje! Miquianaya ecuea epeejji cuana pojjeamajojo, dobiqui mee jjima aña”.

Majoya Jesosaa jama huohuime aca cua baꞌa: —Ebionei Eyacuiñajji oe pojji dejjaja Emeshi Mese nei cuaje, quijje ca ca Eyacuiñajji ojjañaja Emeshi Mese nei cuaje, oya quea epeejji huiso cuaje. Eꞌe, oe motasa soꞌ biso nei tii majje acui quea quemo jayojja cuani, huapeje cui quemajja. Cuichojji motasa acuijo jaani. Ma esoꞌ biso nei jayojjaya Eyacuiñajjija epeejji cuani oe pojji jayojjaya cuani ebionei. Majoya quea huiso nee nee ojaya epeejji cuaje motasa acui jayojjaya —jamaya Jesosa cua.