Versets bíblics populars de Éxodo 4

Comparteix

Ari yacanaqueri icantiri: —¡Paitampa vetsicaqueneriri ivaante atiripee ineaveetantari! Tempa narotaque mayetirori. Noncoaquerica, nomasontitacayeri eiro ineaveetantanajatsi, aisati nomayempitacayeri eiro iquemantanajatsi, aisati nomaviteajatacayeri eiro yamenantanajatsi. Tempa narotaque amenacaajeitiriri yamenajeitantari. Pijatequeti meeca. Noncanteani quiso noyempi. Narotaque neaveetacayempine cameetsa, pineaveetanteari paitapeerica pincanteri.

Irosati icantantanajari Moiseshi Tasorentsi: —Notasorentsite, eirove nomatirotsi. Oshequi opomerentsitimotana noneaveete cameetsa. Aitaque nocanta, irosati meeca nancasanotimaitempiri avirori, irointita notinotitaro noneaveeti.

Irosati iquisantacari Tasorentsi Moiseshi, icantiri: —¡Timatsi pirenti Aarón ishanincani Leví, iotasanotirori irinti cameetsa ineanati! Aitaque meeca aca intonquiotavajempiri. Ariorica irineajeitavajempi oshequi inquimoshireventasanotapempi.