Versets bíblics populars de Éxodo 17

Comparteix

Ari yoancapaaquero Moiseshi iracojempequi, irosati yanaacojeitantacari ishanincapee Israel yora ishanincapeeni Amalec. Iro cantaincha yora Moiseshi imaojempequitapaaque yoarianajiro iraco, yanaacojeitaqueri iriori Amalec. Ari icatsiquiitapaaque, irosati yaantacanari Aarón jeri Hur mapi irisavicanteari. Impoiji yoancajempequitaqueri irampatequi, irio itsipa iracosanoriqui, caari ipariavacotantaja, irosati ishaavijiiteantanaja catsirincaiteri.

Ari nooyempiri anta toncaariqui Horeb imperitaqui. Pimposapempero pinchaquiire imperita, osotoaajatantanaqueari nija irirajeiteri atiripee. Aitaque icantaquerori Moiseshi, imoncarataquero icantaqueriri Tasorentsi, ineajeitaquero jivatacaajeitiriri ishanincapee. Irosati ipajitantacaro Moiseshi ora quipatsi Meribá, tempa aitaque icantimajeitaqueriri. Aisati ipajitaquero Masá, tempa aitaque ineantajeitacariri Tasorentsi, icantantacari: “¿Icarajeitaqueempa Tasorentsi? ¿Tempa incarajeiteeji?”