Versets bíblics populars de Isaías 55

Comparteix

Ña in'jan'choja que'i in'jan'choacambi tsu. Ña tson'cho'qque que'i tson'choacambi tsu.

Nane sefacco andema ombanga jinqquia'caen Ña in'jan'cho tsu que'i in'jan'choma ti'tsse'tssia. Toya'caen ña tson'cho tsu que'i tson'choma ti'tsse'tssia.” Qquen tsu Na'suja ñoa'me su.

“Toya tisema atteye osha'ta Na'suve tta'tta'faja. Toya pporotsse tise can'jen'ninda tisema ttu'se'faja.

Egae tsincon'suja tise tson'jen'choma antteya'cho. Egae in'jan'choja tise injama'cho in'jan'choma antteya'cho. Nane Na'sunga toequi shanda'ninda tise tsu me'deyeya. Na'sunga toequi shanda'ninda tise tsu egae tsincon'choma aqque'paeña.

“¡Poiyi'cco majan qquipoe'su'ta jipa tsa'ccuma cu'i'faja!” Majan corifin'di me'cho'ta jipa afepoembe'yi trigoma isupa an'faja. Nane vino, chochoma'qque chavambe'yi cu'i'faja.

“Unjin chandisu'cco'qque sefane tuipa, ccase toequi sefani ansundembi. Nane tsangae tsu tuipa andema tssipoen cuintsu sho'yoqque'su sho'yopa te'taye. Tetasi a'ija an'bian'fa ccase joñe; toya'caen panme ñoñamba añe. Tsa'canqquia'caen ña Aya'fama injanga afambi gi. Tsa'cansi tsu ña in'janqquia'caen tsomba ña mandaqquia'caen tsoña.

Que'ija avujatsse tsene sombopa que'i andeni ccase japa opatsse can'jen'faya. Nane que'i toequi ja'choma attepa ccotta'cco rande, chipiri'qque settapoemba avuja'faya. Quini'cco'qque attepa tise'pa ttembama oyaen'faya tsai'ccu tise'pa avuja'choma canjaeñe.

Ñani jipa ñama paña'faja. Ñama pañamba canse'faja. Nane tsangae injancco'fa'chove gi que'i'ccu afapa tson'jeña ña tayopi'su David'yenga ñotsse in'jamba afa'cho cuintsu ja'ño nepiye.