Versets bíblics populars de Jo Roma 8

Comparteix

Waŋeyo ni i gin ducu Lubaŋa tiyo pi kelo gin maber ki jo ducu ma gimare jo ma en olwoŋogi kit macalo en oyubo.

Pien aŋeyo ada ni, kadi to, kadi kwo, kadi lumalaika, kadi luloc, kadi gin ma tye i kare man, kadi gin ma mito bino, kadi teko, kadi gin ma tye malo, kadi gin ma tye piny, kadi ki gin mo keken i kom ginaketa ducu, pe bibedo ki twero mo me pokowa woko ki i kom mar pa Lubaŋa ma tye i Kricito Yecu Rwotwa.

I kit acel-lu Cwiny Maleŋ bene konyowa ka ma wagoro iye. Pe waŋeyo lego Lubaŋa i kit ma myero waleg kwede, ento Cwiny kikome bako doge ma ka-kawa, kun cur laliŋliŋ.

Wabiwaco aŋo mono doki i kom lok man? Ka Lubaŋa tye tuŋ botwa, ci aŋa ma lakworwa?

Pi meno, kombeddi pe dok giŋolo kop loyo jo ma gibedo i Kricito Yecu.

Tam ma lubo kit pa dano kelo to, ento tam ma lubo kit pa dano kelo to, ento tam ma lubo kit pa Cwiny Maleŋ miyo kwo ki kuc.

Ento gin magi ducu watye ka loyogi matek pi ŋat ma ceŋ omarowa-ni.

Atamo ni can me kare man pe myero gipor ki deyo ma gibinyuto botwa.

Aŋa ma bipokowa ki i kom mar pa Kricito? Neno can, nyo kumo, nyo ayelayela, nyo kec, nyo bedo munero, nyo gin marac, nyo pala lucwan?

Ŋat ma ŋiyo cwiny dano ŋeyo tam pa Cwiny Maleŋ, pien Cwiny Maleŋ bako doge pi jo pa Lubaŋa kun lubo gin ma Lubaŋa mito.

Pien jo ducu ma Cwiny pa Lubaŋa telogi, gin aye litino pa Lubaŋa.

Pien jo ma gibedo i kit pa dano, giketo tamgi bene i kom gin ma lubo kit pa dano; ento jo ma gibedo kun gilubo kit pa Cwiny Maleŋ giketo tamgi bene i kom gin me Cwiny.

En yam pe oweko Wode kikome, ento omiye pi wan ducu. Pe bene doŋ bimiyowa jami ducu kacel kwede?

Cwiny Maleŋ kikome ribbe ki cwinywa kun tuco ni, wan litino pa Lubaŋa. Ka doŋ wan litino, ci wan lule jami, wan lule jami pa Lubaŋa kun wanywako lonyone kacel ki Kricito, ka ce waciro can kacel kwede, wek bene walim deyo kacel kwede.

Pien tam ma giketo i kit pa dano ki tuŋ bot Lubaŋa en kwor, pien pe winyo cik pa Lubaŋa, pe bene twero winyone.

Pien ginaketa ducu gitye ka kuro nyuto litino pa Lubaŋa ki miti madwoŋ mukato kare.

Waŋeyo ni jami ducu ma giketogi aketa, gubedo ka cur acura ki arem nio wa i kare-ni.