Versets bíblics populars de Jo Roma 4

Comparteix

Niyene pe odok cen, pe obedo ka cabbe acaba i tamme i kom cikke pa Lubaŋa, ento niyene omedde ameda odoko matek, kun en miyo deyo bot Lubaŋa, ma onoŋo lok donyo matut i cwinye ni, Lubaŋa twero tiyo gin ma ocikke pire.

macalo yam gicoyo ni, “Doŋ aketi wek ibed kwaro rok mapol.” Cikke man doŋ gimoko i nyim Lubaŋa ma yam Abraim oye-ni, en Lubaŋa ma miyo kwo i kom jo muto, dok bene ma lwoŋo gin mogo ma yam komgi pe gibedo tye.

en ŋat ma yam gineko pi balwa, ci Lubaŋa ocere woko wek gikwanwa ni kitwa atir.

Abraim yam oye, kun onoŋo oketo genne i kom gin ma nen calo pe gitwero geno, omiyo en odoko kwaro rok mapol, kit macalo yam gicoyo ni, “Likwayu bibedo kit meno.”

Meno aye gin mumiyo cikke pa Lubaŋa ocuŋ i kom niye, wek obed me kica, dok pi moko cikkene bot likwayo pa Abraim ducu, pe bot jo ma lubo cik keken, ento kadi wa bot jo ma gibedo ki niye macalo Abraim. Pien en kwarowa ducu

“Jo ma doŋ giweko balgi gitye ki gum, ma balgi bene doŋ gikwanyo woko; dano ma Rwot doŋ pe kwano bal mo i kome tye ki yomcwiny.”

Doŋ coc ma yam gicoyo i ginacoya waco lok aŋo? Ginacoya waco ni, “Abraim onoŋo oye Lubaŋa, mumiyo kikwane ni en dano ma kite atir.”