Versets bíblics populars de 2 Jo Tecalonika 2

Comparteix

Pe wuwek ŋat mo obwolwu i yo ducu, pien nino meno pud pe bibino, nio waŋ ma jemo i kom Lubaŋa koŋ obedo tye, dok bene nio waŋ ma dano ma turo cik koŋ onen, dano ma myero orweny woko matwal.

Utmegiwa ma Rwot maro, myero wapwo Lubaŋa piwu nino ducu, pien Lubaŋa okwoŋo yerowu con wek elarwu pi Cwiny Maleŋ ma lonyowu wubedo maleŋ, ki pi ye lok me ada.

En pyem, dok kette kene me bedo malo ma loyo gin ducu ma gilwoŋo ni lubaŋa, nyo gin mo ma giworo; dok bibedo i wi komme i ot pa Lubaŋa, kun nyutte kene ni en Lubaŋa.

Kombeddi Rwot Yecu kikome, ki Lubaŋa Wonwa ma marowa dok okweyo cwinywa matwal ki gen maber ma obino pi kica, okwe cwinywu, omokwu matek i tic ki i lok ducu mabeco.

Pi meno Lubaŋa biketogi i te twero me bwola, wek guye goba

Bino pa dano ma turo cik a ki i tic pa Catan kun tye ki teko ducu, ki lanyut mogo ki taŋo mogo me goba. Dok bibedo ki lwak bwola maraco pi jo ma birwenyo matwal, pien gukwero maro lok me ada ma kono olargi.

Pien twero ma miyo dano turo cik kombeddi doŋ tye ka tic i muŋ; ento ŋat ma geŋe pud bigeŋo nio ka doŋ giryeme woko.