Versets bíblics populars de ROMENA 8

Comparteix

Nay wi ala slen kaf tap tuwam kayni kay li ŋaa'a tam nisi sa min Lawna, nisi sa nam yisi kuɗ ŋaɓta valamu.

Kay na wi goy gasi ala: La mitta lebo, irita lebo, sa sunda wuralawna lebo, donota lebo, sle ma ka wulini lebo, sle ma min ma'a lebo, gaŋeraŋa lebo, liyn ma kulona lebo, slen ma gaa zulla lebo, slen ma kotina mara'a lebo, la mi mige kaw as munay jaray nay goy hiɗi ti-kamda vi Lawna hay Yesu Kristu Bum-Sumuna vayaɗi.

Nala kaw Ŋusta gut kuɗaya hay maŋayta vaya, kay nay wi va ma nay ma siɗawa hay liyam ɗigerɗi. May Ŋusta kay tuwa'a siɗaw kaya hiɗi slen ma vunay as dumɗi

La nala nay ma di mige kay slen kayni? La Lawna ka hiɗi naya, sa ma gaw hiɗi naya mi gige?

Kay na'ta kitata tam ba-goyta may loɗi kay nisi sa ka hay Yesu Kristu. Nisi sa poy kuɗ kuɗ darta vi sliwnɗi, may kuɗ Ŋusta.

Kay darta vi sliwna kayni ti mitta, may darta vi ŋusta kayni irita hiɗi toyta.

May kuɗ slen kayni kaf nay kol suwa kuɗ nam ma minayna.

Kay nan var ala lasta ta hay liyn ma wulinna san as ŋra' hiɗi gajijita ta min ma'a, ta vul tuwa'a goy kirayt ɗawnɗi.

Sa ma as ɓuraway jaray nay goy hiɗi ti-kamda vi Kristu gige? Zumalda lebo, narta lebo, lasta lebo, mayta lebo, nalata lebo, mitta lebo, kew-gaferaŋa su?

may nam ma fek dikga nam wi darta vi Ŋusta kaw, kay na' siɗawa kay sa peldetna kuɗ minda vi Lawna.

Kay nisi kaf sa Ŋusta vi Lawna ɗopsina, nisi kayni si gurona vi Lawna.

Kay nisi sa ka kuɗ sliwna min slena vi sliwna, may nisi sa ka kuɗ ŋusta min slena vi ŋusta kaw.

Namu ma ŋay Goora valam goy kayɗi, may vulum goyo kay kafe, nala nam min vulay slen kaf kuɗumɗi su?

Ŋusta kay tuwa'a li di-goyta tam ŋusta vaya ala nay si gurona vi Lawna. May la nay si gurona, nay si sa yaw vocota kaw, sa yaw vocota vi Lawna, sa tap yaw voco'o hiɗi Kristu, la nay tap hiɗi namu hay lasta, kay nay ma fi gajijita hiɗi namu kaw.

Kay darta vi sliwna kayni ɦeɗem tam Lawna, kay na' may hum kuɗ vun-ma-gatna vi Lawnɗi, na' as kay va noŋɗi kaw.

Kay sle ma kotina kaf ka lakay jiger kay cub buur ma gurona vi Lawna ma vul tuwsi goy haraŋi.

Kay nay wi ala, ta-ta vaydi sle ma kotin kaf ka tiya, ka ci lasi kaw ki cata ta ka puk nala.