Versets bíblics populars de Miqueas 4

Comparteix

Llapa llaqtakunaña diosninkupa sutinpi hapipasqa kawsaptinkupas, ñoqanchikqa Tayta Diospa sutinpi hapipakuspam wiña-wiñaypaq kawsakusun.

Llapallan nacionkunam chayman rispanku ninqaku: Tayta Diospa akllakusqan orqoman hakuchik, Jacobpa Diosninpa wasinman risunchik; paymi yachachiwasun paypaq hina kawsakuyta, paypa munasqanman hinaña purisunchik, nispanku. Sión moqomantam kamachikuy lloqsimunqa, Jerusalenmantañataqmi Tayta Diospa Chuya simin lloqsimunqa.

Tukupay tiempokunapim Tayta Diospa templonpa kasqan orqo wakin orqokunapa hawanpi churasqa kanqa, hatun orqokunamantapas aswan hatunmi kanqa, hinaptinmi payman llapallan nacionkuna rinqaku.

Tayta Diosmi llapa llaqtakunata juzganqa, karupi kaq atiyniyuq nacionkunatapas derechonmanmi churanqa. Paykunañataqmi espadankutapas rejakunamanña tikranqaku, lanzankutapas rutunakunamanñam tikranqaku. Manañam nacionpura peleanqakuñachu, guerrapaqpas manañam mastaqa allichakunqakuñachu.