Versets bíblics populars de Génesis 27

Comparteix

Diosyá qosunki cielomanta parata chaynataq allin cosecha qoq allpata, trigotapas vinotapas mana pisiyta. Nacionkunam qamta servisunki, llapa runakunam qayllaykipi kumuykunqaku. Aylluykikunapim munaychakunki, aylluykikunapa mirayninkunam ñawpaqnikipi kumuykunqaku. Ñakasuqnikikuna ñakasqa kachun, bendecisuqnikikuna bendecisqa kachun, nispa.

Hinaptinmi Esaú nirqa: Iskay kutitañam engañaruwan, puntatam piwi kayniypa derechonta qechuruwarqa, kunanñataqmi bendicionniyta qechuruwan. ¿Manachum chayrayku sutinpas Jacob? ¿Manachum ñoqatawan bendeciykuwankiman? nispa.

Chaymi Isaac nirqa: Yachasqayki allpapas manam anchataqa rurunqachu, manataqmi parapas allintaqa chayanqachu. Espadaykimantam kawsanki, wawqekitam servinki. Yugota pakiruq toro hina lluptikuspam wawqekipa munaychakuyninmanta librakunki, nispa.

Chaymi Esaú nirqa: ¿Taytáy, chullallachu bendicionniki? nispa. Hinaspanmi Esaú waqaspa qaparirqa: ¡Taytáy, ñoqatapas bendeciykuwayá! nispa.