Versets bíblics populars de Deuteronomio 8

Comparteix

Aswanqa Señornikichik Tayta Diostam yuyarinkichik. Paymi kapuqnikichikta armakunaykichikpaq kallpata qosurqankichik, chaynapi ñawpaq taytaykichikkunaman jurasqan pactota qamkunawan kunan cumplinanpaq.

Yarqaymanta ñakarichisuspaykichikpas “maná” sutiyuq mikuytam mikuchisurqankichik, ñawpaq taytaykichikkunapapas nitaq qamkunapapas mana reqsisqaykichik mikuyta, chaynapim yacharqankichik: Runaqa manam mikuyllawanchu kawsan, aswanqa Tayta Diospa Chuya siminmanta lloqsimuq rimaykunawanmi.

Tukuy chunniq ñankunapi tawa chunka wata purisqaykichiktam yuyarinkichik. Señornikichik Tayta Diosmi uchuychasunaykichikpaq chaynata pusamusurqankichik, chaynapi pruebasuspaykichik imam sonqoykichikpi kasqanta yachananpaq chaynataq kamachikuyninkunatapas kasukusqaykichikta otaq mana kasukunaykichiktapas yachananpaq.

Yanqañataq sonqoykichikpi niwaqchik: “Kay llapa kapuqninchiktaqa kallpanchikwanmi armakurqanchik”, nispaykichik.

Señornikichik Tayta Diostaqa amam qonqarunkichikchu. Kay kamachisqay kamachikuyninkunata, estatutokunata hinaspa decretokunataqa amam qonqarunkichikchu.

Sonqoykichikpiyá reqsikuychik Señornikichik Tayta Diosmi corregisurqankichik churinta taytan corregichkaq hina.

Saksanaykichikkama mikuspam allin allpa qosusqaykichikmanta Señornikichik Tayta Diosta yupaychankichik.

Señornikichik Tayta Diospa kamachikuyninkunata ruwayman churaspayá payta kasukuychik, hinaspayá munasqanman hina kawsaychik.

Chunniqpim “maná” sutiyuq mikuyta mikuchisurqankichik, ñawpaq taytanchikkunapapas mana reqsisqan mikuyta. Chaykunatam uchuychasunaykichikpaq hinaspa pruebasunaykichikpaq ruwarqa, chaynapi chay pruebakuna tukusqa kaptin allinnikichikpaqña kananpaq.

Saksanaykichikkama mikuspaykichikqa, hatarichisqaykichik sumaq wasikunapi yachaspaykichikqa, vacaykichikkunapas, ovejaykichikkunapas miraruptinqa, qorikichikpas qollqekichikpas achkayaruptinqa chaynataq tukuy imaykichikkunapas achkayaruptinqa, amam hatun tukuqqa rikurirunkichikchu, nitaqmi Señornikichik Tayta Diostapas qonqarunkichikchu, payqa Egipto nacionpi esclavo kasqaykichikmantam hurqomusurqankichik.

Señornikichik Tayta Diosmi allin allpaman pusasunkichik, mayukunapa kasqan allpaman, qechwakunapipas chaynataq orqokunapipas pukyukunapa hinaspa yakukunapa kanan allpaman. Chay allpaqa trigopa, cebadapa, uvaspa, higospa, granadapa, olivospa hinaspa mielpa kanan allpam. Chay allpapiqa manam mikuymantapas nitaq imamantapas usunkichikchu, rumikunamantam fierrota hurqonkichik, orqokunamantañataqmi cobreta hurqonkichik.

Kay qosqay kamachikuykunatayá ruwayman churaychik, chaynapi kawsaspaykichik achkallataña miranaykichikpaq hinaspa ñawpaq taytaykichikkunaman Tayta Diospa prometesqan allpaman yaykunaykichikpaq.

Chay tawa chunka watapiqa manam pachaykichikpas tukurqachu nitaqmi chakikichikpas punkirqachu.

Paymi mana yakupa kanan manchakuypaq hatun chunniqninta, kachukuq maqta urukunapa kasqanta chaynataq atoq-atoqkunapa kasqan lawninkunata pusamusurqankichik. Yakutapas qaqa rumimanta toqyachimuspam tomachisurqankichik.