Versets bíblics populars de Deuteronomio 10

Comparteix

Israelpa mirayninkuna ¿Imatataq Señornikichik Tayta Dios qamkunamanta munan? Payqa munan kasukuspaykichik munasqanman hina kawsanaykichiktam, tukuy sonqoykichikwan chaynataq tukuy vidaykichikwan kuyaspa yupaychanaykichiktam. Payqa munan kunan kamachisqay kamachikuyninkunata hinaspa yachachikuykunata kasukunaykichiktam, chaynapi allinlla kanaykichikpaq.

Señornikichik Tayta Diosqa dioskunapapas Diosninmi, señorkunapapas Señormi, Payqa hatun munayniyuqmi, Tukuy Atiyniyuqmi, kasukuna Diosmi. Manam pimanpas sayapakunchu nitaqmi sayniyutapas chaskikunchu

Sonqoykichikpi millakuypaq kaqkunata wischuspa chuyanchakuychik, amañayá rumi sonqoqa kaychikchu.

mana tayta-mamayuqkunapaqpas chaynataq viudakunapaqpas allin arreglotam ruwaykapun, huklaw llaqtayuqkunatapas kuyaspanmi mikuykachin hinaspa pachaykachin.

Qamkunaqa payllatam yupaychankichik, Diosnikichikqa qamkunaraykum hatun manchakuypaq kaqkunata ruwarqa, qawachkaptikichikmi chaykunataqa ruwarqa.

Señornikichik Tayta Diosta kasukuspa payllata yupaychaychik, payllata qatiychik, paypa sutillanpi juraychik.

Amayá qonqaychikchu, hanaq pachapas, chaypi tukuy ima kaqkunapas, kay pachapas hinaspa chaypi tukuy ima kaqkunapas yupaychasqanchik Señornikichik Tayta Diospam.

Chaynaqa, qamkunapas huklaw llaqtayuqkunatam kuyankichik, qamkunapas mana llaqtayuqmi Egipto nacionpi karqankichik.