Versets bíblics populars de 1 Corintios 11

Comparteix

Cenayta tukuruspanñataqmi copata hapiykuspan nirqa: Kay copam yawarniywan ruwasqay musoq pacto, kayta sapa kuti tomaspam ñoqamanta yuyariwankichik, nispa. Kay tantata sapa kuti mikuspam, kay copamanta tomaspam Señorpa kutimunankama wañusqanmanta willakunkichik.

Kay yachachisqaytaqa kikin Señormantam chaskirqani. Entregasqa kasqan tutam Señor Jesús hapiykurqa tantata. Diosman graciasta qoykuspanmi pakiykurqa hinaspam nirqa: Mikuychik, kaymi cuerpoy qamkunarayku pakipasqa. Qamkunapas kaynatam ruwankichik ñoqamanta yuyariwanaykichikpaq, nispa.

Chaynaqa, sapakamayá sonqonta tapukuchun manaraq tantata mikuchkaspa hinaspa copamantapas manaraq tomachkaspa. Sichum pipas mikunqa hinaspa tomanqa Señorpa cuerpon kasqanta mana piensarispan hinaspaqa mikunqapas tomanqapas kikinpa castigonpaqmi.

Chaynaqa, pipas mana chaypaq hina kachkaspa Señorpa tantan mikuqqa hinaspa Señorpa copanmanta tomaqqa Señorpa cuerponpa hinaspa yawarninpa contranpim huchallikuchkan.

Imaynam ñoqapas Cristopa ruwasqanta hina ruwani, chaynayá qamkunapas ñoqapa ruwasqayta hina ruwaychik.