Versets bíblics populars de Heb 10

Comparteix

Miqakanab' li qach'utam: wankeb' k'aynaqeb' xb'aanunkil chi jo'kan. Qawaklesihaq b'an qach'ool chiqib'il qib', ut q'axal chik anaqwan naq nekeril naq yo chaq chi nach'ok li Kutan.

Chiqilaq qib' chiqib'il qib' re xk'eeb'al xkawub' qach'ool chi rahok jo'wi' chi xb'aanunkil li chaab'il k'anjel.

Qachapaq qib' chi kaw rik'in li qoyb'enihom li naqach'olob', xb'aan naq li Yos naxk'e li b'arwan naxyeechi'i.

Na'ajmank ru naq wanq eekuyum sa' li rahilal re xb'aanunkil li rajom li Yos ut xk'ulb'al li k'aru yeechi'inb'il chaq xb'aan.

Jiloqo b'i' chi xk'atq chi anchal qach'ool, chi anchal qapaab'aal, ch'ajob'resinb'ilaq li qach'ool chiru li ink'a' us ut ch'ajb'ilaqo rik'in saq ru ha'.

Anaqwan b'i', kawaq taxaq eech'ool sa' leepaab'aal xb'aan naq chi jo'kan teek'ul xnimal eeq'ajkamunkil.

Xb'aan naq ak xqanaw li yaal; ut wi nokoomaakob'k wi' chik chi yal traj qach'ool, maak'a' chik aj e li mayejak chirix li maak, ka'aj b'an chik li raqb'a aatin xiwajel royb'eninkil ut li xam k'ajo' xtiqwal, yo'oon wank re xsachb'aleb' li ink'a' neke'raj paab'ank.