Versets bíblics populars de Gn 27

Comparteix

Li Yos chixk'e taxaq aawe li k'ajob' li nachalk sa' choxa, li xchaq'alil ru li ch'och' ut naab'al laatriiw ut laa'uub'. Che'xk'anjela ta aawu eb' li tenamit, chate'roxloq'i taxaq chixjunileb' li xteepal li ruuchich'och'. Laa'ataq aj taqlanel sa' xb'eeneb' laawiitz'in ut chate'roxloq'i taxaq eb' li xyum laana'. Li taatz'eqtaananq aawe, tz'eqtaananb'ilaq ajwi' a'an; ut li taa'osob'tesinq aawe, osob'tesinb'ilaq ajwi' a'an”.

Kixye laj Esaú: “Jo'kan pe' naq aj Jakob naxk'ab'a'in, xb'aan naq ka' sut xb'aanu we a'in: xmaq' linb'eenil alalb'ejil, ut anaqwan xmaq' li wosob'tesinkil”. Kixye ajwi': “Ma ink'a' xak'uula junaq wosob'tesinkil?”.

Toja' naq laj Isahak kixsume chi jo'kan: “Najtaq chik laawochoch rik'in li chaab'il ch'och', najtaq ajwi' rik'in li xk'ajob' li choxa. Rik'in laach'iich' taakol rix laayu'am ut chiru laawiitz'in tatk'anjelaq; ab'an naq tatkawuuq, taawisi aawib' rub'el li xwankilal”.

Kixye laj Esaú re li xyuwa': “Ma ka'aj ta wi' jun laawosob'tesihom, at inyuwa'? Osob'tesin ajwi' laa'in, at inyuwa'!”. Ink'a' kichaq'ok laj Isahak ut laj Esaú kixjap re chi yaab'ak.