Versets bíblics populars de 2 Pe 2

Comparteix

Jo'kan utan, chixjunil a'in a'an reetalil naq li Yos naxnaw xkolb'aleb' laj paab'anel chiru li aaleek; a'ut eb' li ink'a' neke'paab'ank, naxk'uulaheb' cho'q re xkutankil li raqb'a aatin naq te'rahob'tesiiq

Q'axal us raj cho'q reheb' naq ink'a' xe'xnaw xb'ehil li tiikilal chiru naq, ak xnawomeb' chik, chirix chik a'an xe'xkanab' xpaab'ankil li Santil Chaq'rab' q'axtesinb'il reheb'. Xe'xk'ul jo' naxye jun li aatin tz'aqal yaal: “Li tz'i' naxlow wi' chik sa' li xxa'aw”, ut: “Li aaq x'atink, naxb'ak'le wi' chik rib' sa' sulul”.

Neke'xyeechi'i reheb' wank chi ach'ab'anb'il, a'ut eb' a'an wankeb' rub'el xwankil li maa'usilal, xb'aan naq relik chi yaal naq yalaq k'a' re ru nanumtaak sa' xb'een li winq, a'an eechaninb'il wi' li winq a'an.

Eb' li ak xe'xkanab' li xmaa'usilal li ruuchich'och' sa' xk'ab'a' xnawb'al ru li Qaawa' ut aj Kolol qe Jesukriist, wi neke't'il wi' chik chisa' li k'a'aq re ru a'an ut nanumtaak li maak sa' xb'eeneb', q'axal yib'aq wi' chik ru li xyu'am chiru naq kiwank chaq junxil.

Ke'wank ajwi' chaq propeet aj b'alaq' sa' xyanq li xtenamit li Yos. Jo'kan ajwi' sa' eeyanq laa'ex te'wanq aj tzolonel aj b'alaq' li te'roksi chaq chi muqmu li b'alaq'il na'leb' re xsachb'al li qapaab'aal; te'xtz'eqtaana ajwi' li Qaawa' li kikolok reheb', ab'anan chi junpaat te'xb'oq li sachk sa' xb'eeneb'.