Versets bíblics populars de 1 Pe 2

Comparteix

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex. Chanchanex chaq karneer li neke'cha'chotk naq xexwank chaq, a'ut anaqwan xexsutq'iik chaq rik'in laj K'aak'alenel ut laj Ilol re leeraanm.

Junxil moko tenamitex ta chaq, ut anaqwan xtenamitex chik li Yos; laa'ex ink'a' uxtaananb'il chaq eeru xb'aan li Yos, ut anaqwan xetaw li ruxtaanal.

Jo'qex li k'uula'al toja' xe'yo'laak, cherataw li chaab'il leech li nachalk rik'in li Musiq'ej, re naq sa' xk'ab'a' a'an texk'iiq cho'q re li kolb'a ib'

Ex inrahom, laa'ex maawa'ex aj arin, yal b'an aj numelex. Nintz'aama cheru naq mex'okenk chi xb'aanunkil li naxrahi li tz'ejwalej, li xik' naril li aanmej. Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

Jo'kan utan, tz'eqtaanahomaq chixjunil li maa'usilal, chixjunil li b'alaq'il, ka'pak'al uhil, kaqalink ut chixjunil li majewank.

Jilonqex chi xk'atq li Qaawa', a'an li yo'yookil pek tz'eqtaananb'il xb'aaneb' li winq, ab'an sik'b'il ru ut loq' chiru li Yos.

Chexk'anjelaq jo'eb' li wankeb' chi ach'ab'anb'il, ut ink'a' jo'eb' li wankeb' chi ach'ab'anb'il re chik xb'aanunkil li maa'usilal; jo'kaqex b'an li xmoos li Yos.

Xb'aan naq a'an a'in li naraj li Yos: naq rik'in xb'aanunkil li us teetz'ap xsa' reheb' li maak'a'eb' xna'leb' ut memeb'.