Versets bíblics populars de Génesis 6

Comparteix

Asca huaifoan oin nocon Ifo Diosin ahuun nomuran fasi isincoin muuquin yoini, —¡Ohua! Un yorafo oni huanima shara icuanaran, —ishon shinanni.

Ascaifoan nocon Ifo Diosin oinpaoni yorafo fasi chacacoinfocun. Nanfoan aton nomuranshon shinainfo cusca yafi afi apaiyai cuscari chaca fustisi huapaonifo.

Ascafiashon nocon Ifo Diosin Noé oian nocofunu shara ini.

Noé ipaoni cuscahuunoa cununi isca huaquin. Noé nocofunu fasi sharacoin ini. Diosin yoia cuscacoin huapaoni. Ascashon Diosi amapaiyai cuscan aru fusti huafafainpaoni Noé niyoatiancai rato futsan Diosi amapaiyai cuscan huapaonima.

Ascashon nocon Ifo Diosin yoiqui isca huani, —¡Ohuashta! Un yorafo oni huafian man chaca huaifohuunshon uhuun nomuran un isincoin mui. Ascacun nantifi yorafo mai ano icafo un ato cuyocoin. Nantifi yorafo cuyofain yoinafo cuyofain yoina naman sharaifori cuyofain puiyafori un cuyoshquiran, —ishon nocon Ifo Diosin yoini.

Ascan Noé niyoatian yorafo ichapacoin cai taunifo. Nantiari aton facu ainfo ichapacoin cainifo. Ascacun Diospan facufoan oian shomaya fasi sharamishticun catonpaonifo fiishcaquin. Ascafia nocon Ifo Dios yoiqui isca huani, —Un yorafo oiancai sharama. Ascacucai un ato afanan chai nimapacunacama. Uhuun Yoshin Sharapan ato shinanmasharapaifiaino chaca huariacani. Ascacuncai un ato chai nimapacunacama. Ciento veinte fari fustiton nitirofoquin, —ishon Dios yoini. Ascano nantiari yora fasi cuyatapacoinfo mai ano ipaonifo. Nanfo fasi mutsisipacoin inifo. Ascashon nanfoanri ahuarafo huaifoan oinquin futsafoan yoinifo, —Aira. Nan cuyafofoan ahuamamishti huatioforan, —ishon ipaonifoan yoinifo.

Ascan nan Diosin yonoa cuscacoin Noé nantifi huani.

Ascano Diosin oinni nantifi yorafoan fasi chaca fustisi shinanfafainaifoan. Ascan nan acaifo cuscan fasi chacacoin ini. Nanscara chacafo oinqui Diosin Noé yoini isca huaquin, —Un shinain cuscan un nantifi yorafo cuyoi. Nanfohuunoashu nantifi yorafo fasi sutumitsamisifo non rutumitsamisifori ichapacoin maitio ano. Ascacufin un ato nantifi cuyofain nan maitiori un ununhuanun fuposhquin.

Ascacun nan ihui ahuun anu cipris shashohuan huahuu. A muran cunufo huahuu. Ascashon ocumuran yafi ahuun pishiri foin foyaquin shara huahuu a muran unu iquinonma.

Ascano Diosin oinni nantifi yorafoan fasi chaca fustisi shinanfafainaifoan. Ascan nan acaifo cuscan fasi chacacoin ini. Nanscara chacafo oinqui Diosin Noé yoini isca huaquin, —Un shinain cuscan un nantifi yorafo cuyoi. Nanfohuunoashu nantifi yorafo fasi sutumitsamisifo non rutumitsamisifori ichapacoin maitio ano. Ascacufin un ato nantifi cuyofain nan maitiori un ununhuanun fuposhquin.

Ascashon min shashohuan muranri nantifi yoina futsa futsatapafo yafi inafo non puiyafori funu yafi ahuin iquimahuu mato fu ninonfo.