Versets bíblics populars de NAI VAKATEKIVU 50

Comparteix

ia koi kemudou, dou a nanuma vakaca vei au; ia sa nakita na vinaka na Kalou, ka me vakayacora na veivakabulai ni tamata e lewe vuqa me vaka edaidai

A sa kaya vei ira ko Josefa, Dou kakua ni rere: koi au li na Kalou?

ia dou kakua ni rere: koi au, ka'u na vakani kemudou, kei ira na nomudou lalai. A sa vakacegui ira ka vosa vakayalololoma vei ira.

Dou vosa vakaoqo vei Josefa, Au masuti iko, mo kakua mada ni sauma na nodra caka cala na tuakamu, kei na nodra i valavala ca; ni ra a caka ca vei iko: ia keitou sa qai masuti iko mo kakua ni sauma na neitou caka cala na tamata ni Kalou i tamamu. A sa tagi ko Josefa ni ra sa vosa vua.

A sa kaya vei ira na veitacini ko Josefa, Koi au, ka'u sa mate: ia na Kalou, ena talevi kemudou vakaidina, ka kauti kemudou cake tani e na vanua oqo ki na vanua sa bubului kina ko koya kivei Eparaama, kei Aisake, kei Jekope.

A sa vakabubuluitaki ira na luve i Isireli ko Josefa, ka kaya, Ena talevi kemudou vakaidina na Kalou, ia dou kauta cake tani eke na suiqu.

A sa ciba ko Josefa, ni sa dua na drau ka tini na nona yabaki: a ra sa vakasosoga e na ka boi vinaka, ka kotora e loma ni dua na kato mai Ijipita.