Versets bíblics populars de NAI VAKATEKIVU 39

Comparteix

A sa tiko kei Josefa ko Jiova, a sa tamata yaco ko koya; a sa tiko e na vale ni nona turaga na kai Ijipita.

A sa laiva na nona ka kecega me lewa ko Josefa; ka sega ni kila e dua na ka sa tu vua, na kakana ga sa kania ko koya. A sa yago vinaka ka matavinaka ko Josefa.

Ia ko koya nai vakatawa ni vale ni veivesu sa lesi Josefa me lewa na tamata kecega sa vesu tiko e na vale ni veivesu; ia sa vakatau vua na ka kecega era cakava kina.

A sa tauri Josefa na nona turaga, ka biuta ki na vale ni veivesu, na vale era vesu kina ko ira ka vesuka na tui: a sa tiko ga kina ko koya. Ia sa tiko vata kei Josefa ko Jiova, ka vakayacora vua na loloma, ka vagolea na yalo ni vakatawa ni vale ni veivesu me lomani koya.

Sa oti na ka oqo, sa dauraici Josefa na wati ni nona turaga; ka kaya, Me daru moce vata. A sa bese ko koya, ka kaya vua na wati ni nona turaga, Raica, sa sega ni kila na noqu turaga na ka sa tu vei au e vale, ka sa solia me'u lewa na nona ka kecega; sa sega e dua e vale oqo me levu cake vei au, a sa sega e dua na ka sa bureitaka vei au, ko iko duaduaga, ni ko sa watina: au na qai cakava rawa vakaevei na ka ca vakaidina oqo, kai valavala ca vua na Kalou?

Ia sa dua na siga, sa curu ki vale ko Josefa me kitaka na nonai tavi, ka sega ni tiko kina e dua vei ira na lewe-ni-vale. A sa taura ga na nonai sulu, ka kaya, Me daru moce vata: a sa laiva na nonai sulu ki ligana ko Josefa, ka dro, ka curu yani ki tuba.