Versets bíblics populars de NA LAKO YANI 6

Comparteix

O koya oqo mo kaya kina vei ira na Isireli, Sai au ko Jiova, ia ka'u na kauti kemuni tani mai na nodra i lesilesi-bibi na kai Ijipita, ia ka'u na sereki kemuni mai na nodra veivakabobulataki, ka vakabulai kemuni e na ligaqu sa dodo tu, kei na cudru levu

ia ka'u na kauti kemuni mai mo ni noqu tamata, ia ka'u na nomuni Kalou: ia kemuni na kila ni sai au ko Jiova na nomuni Kalou, ko koya sa kauti kemuni tani mai na nodra i lesilesi-bibi na kai Ijipita

ia ka'u na kauti kemuni ki na vanua ka'u a bubului kina me'u solia vei Eparaama, vei Aisake, kei Jekope; ia ka'u na solia vei kemuni mo ni kenai taukei: koi au ko Jiova. A sa vosa vakakoya vei ira na Isireli ko Mosese: a ra sa sega ga ni vakarorogo vei Mosese ni ra sa yalo lekaleka, ka ni ra sa vakabobulataki vakararawa sara.

A sa kaya vei Mosese ko Jiova, Oqo, ko na raica na ka ka'u na kitaka vei Fero: ni na laivi ira me ra lako e na vuku ni liga kaukauwa, ia e na vuku ni liga kaukauwa ena vakasevi ira tani e nona vanua.