Versets bíblics populars de Aʼmaal al-Rusul 4

Comparteix

Ma fi naja illa be Isa wiheedah. Wa fi kulla l-ard, ma fi usum aakhar al-Allah nazzalah le l-naas al-waajib aniina niʼaamunu beyah wa nanjo, illa be usum Isa !»

Wa baʼad saʼalo Allah, al-bakaan al-laammiin foogah anhazza wa kulluhum anmalo be l-Ruuh al-Khudduus wa gammo yiballukhu kalaam Allah bala khoof.

Ya Allah, hassaʼ chiif humman gaaʼidiin yihadduduuna. Antiina aniina abiidak gudra achaan niballukhu kalaamak bala khoof.

Al-Kitaab yuguul : <Al-hajar al-bannaayiin al-beet awwal ma dawwarooh bigi al-hajar al-muhimm fi buna al-beet.> Wa Isa hu al-hajar wa intu al-bannaayiin al-abeetuuh.

Wa naas al-majlas alʼajjabo achaan Butrus wa Yuuhanna humman naas hille bas wa ma ulama wa laakin kallamo le l-majlas bala khoof. Wa irfo kadar Butrus wa Yuuhanna awwal raaykhiin maʼa Isa.

Wa kulla l-muʼminiin induhum galib waahid wa fikir waahid. Wa ma fi naadum yuguul khumaamah haggah halaalah. Wa ayyi naadum minhum yajʼal maalah misil maal al-akhwaan.