Versets bíblics populars de 1 Kuruntus 2

Comparteix

Wa khalaas, da muwaafig maʼa l-kalaam al-maktuub fi l-Kitaab : <Al-cheyy al-Allah jahhazah le l-naas al-yihibbuuh, ma chaafatah een wa la simʼatah adaan wa la fakkar foogah insaan.>

Wa l-insaani al-tabiiʼi ma yakhbal kalaam hana Ruuh Allah. Fi fikrah, kalaam al-Ruuh al-Khudduus baatil wa hu ma yafhamah. Achaan naadum ma yafhamah illa be gudrat al-Ruuh al-Khudduus.

Laakin al-cheyy da, Allah wassafah leena be l-Ruuh al-Khudduus. Achaan al-Ruuh al-Khudduus yichiif kulla cheyy wa yaʼarif fikir Allah wa asraarah.

Wa Allah antaana al-Ruuh al-Khudduus wa l-Ruuh al-Khudduus da ma jaayi min al-dunya. Hu Ruuh Allah al-naazil leena achaan naʼarfu al-rahma al-Allah antaaha leena.

Wa kallamt leeku be taʼliim hayyin wa ma jibtuku fi l-derib be kalaam al-yiraddiiku wa la be hikmat insaani wa laakin kallamt leeku be kalaam al-indah gudra al-jaayi min al-Ruuh al-Khudduus. Wa misil da, iimaanku ma yilʼassas fi hikmat insaan laakin fi gudrat Allah.