Versets bíblics populars de Hch 9

Comparteix

Axa yalon Cham Jajawil tu' bay axca ti': Asi', yujtol a Saulo tu', sic'bilxa el wuj. A' ok alon el wabixal nan xol eb man israelok, c'al bay eb rey, yetok nan xol eb et israelal.

Cax max ayc'ay telnaj sat tx'otx', axa yaben yoc jay belan k'anej, max yal bay axca ti': Saulo, Saulo, ¿tzet xan chin oktej ec'ok? ẍi bay. Mamin, ¿mac ach txel? ẍi aj bay. Ayin ton Jesús in. Ayin lanan in okten ec'ok.*fn*

Catatu' bian max toj Ananías bay na tu'. A yet max apni oc xin, cax max oc yul na. Axa batxban ajtok k'ab yiban jolom Saulo tu', cax max yalon axca ti': —Wuẍtak Saulo, a Cham Jajawil Jesús, Cham max tx'oxaj ba ayach yul be bay max ca a jayi, a' max in chekontek ayach ti', yet watx' chach ilwican ajok, cax chach can yalan yikbej Cham Espíritu Santo, ẍi bay. Yet wal jun bek tu', max el tiẍnaj juntzan axca sol txay yin sat, axa yilwi pax aj tu'. Max aj wan, axa yak'laycan bautizar tu'.