Versets bíblics populars de Gén 19

Comparteix

Jak'a ri rixjayil ri Lot, xa kanajineq k'a kan y xpe rayibel rik'in richin xtzu'un chik kan chirij, y xa chiri' xk'oje-wi kan jumul, xok kan atz'an y xpa'e' kan achi'el jun wachibel.

Jak'a ri Lot man niniman ta k'a. Roma ri' xepe ri ka'i' ángel xkichop-el chi ruq'a' rija', ri ruq'a' ri rixjayil y ri kiq'a' ri e ka'i' rumi'al, roma ri Jehová kan janila xujoyowaj kiwech. Xekelesaj k'a pe chiri' y xekik'uaj k'a chuchi' ri tinamit y xekiya' kan chiri'.

Y toq ek'o k'a chiri' chuchi' ri tinamit, jun chike ri ángel xubij chire ri Lot: Junanin ri' takolo-el ri ak'aslen. Man katzu'un kan chawij, ni man kapa'e' kan chupan la ruwa-taq'aj. Xa choj kabiyin la chuwa taq juyu' wi nawajo' nakol ri ak'aslen, roma rik'in juba' yaken, xcha'.

Kere' k'a xk'uluwachitej toq ri Dios xeruk'is ri tinamit ri akuchi xk'oje-wi ri Lot. Ri Dios kan xuben k'a achi'el xuk'utuj ri Abraham chire y xerukol k'a pe ri Lot pa Sodoma toq achi'el xupiskolij kan ri' ri tinamit.