Versets bíblics populars de ᐅᐸᓓᑭᔅ ᒫᕐᒃ 13

Comparteix

ᑭ ᑳ ᐸᒀᑎᑯᐙᐗᒃ ᒫᑲ ᒥᓯᐌ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ: ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ ᐃᔥᒀᔭᒡ ᐃᔅᑯ, ᐁᐗᒀᓇ ᑫ ᐱᒫᒋᐋᑲᓂᐎᑦ᙮

ᔮᒀᒥᓰᒃ ᑭᓚᐗᐤ, ᐊᔕᐙᐱᒃ ᓀᔥᑕ ᐋᔭᒥᐋᒃ: ᐌᓴ ᓇᒪᐎᓚ ᑭ ᑭᔅᑫᓕᑌᓇᐗᐤ ᐃᔥᐱᔥ ᑫ ᐅᑎᒋᐸᓕᒃ᙮

ᒫᑲ ᐃᔅᐱ ᐃᑐᑕᐃᑖᑾᐌ, ᓀᔥᑕ ᐸᑭᑎᓂᑖᑾᐌ, ᐁᑳᐎᓚ ᓂᔮᑲᓇ ᒫᒥᑐᓀᓕᑕᒧᒃ ᑫᒀᓐ ᑫ ᐃᑗᔦᒃ, ᐁᑳᐎᓚ ᓀᔥᑕ ᐋᔦᔅᑲᐌᓕᑕᒧᒃ; ᐱᑯ ᑫᒀᓐ ᒫᑲ ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᑫ ᒥᓕᑲᐎᐌᑴ, ᐁᐗᑯ ᐃᑗᒃ: ᐌᓴ ᓇᒪᔦᐤ ᑭᓚᐗᐤ ᑳ ᐋᔭᒥᔦᒃ, ᒫᑲ ᐸᓓᑭ ᐊᒑᒃ᙮

ᑭᔑᒃ ᓀᔥᑕ ᐊᔅᑭ ᑲᑕ ᐃᔥᒀᐸᓕᐗ; ᒫᑲ ᓂᑦ ᐋᔭᒥᐎᓇ ᓇᒪᐎᓚ ᑲᑕ ᐃᔥᒀᐸᓕᐗ᙮

ᒫᑲ ᐊᓂᒪ ᐁ ᑭᔑᑳᒃ, ᓀᔥᑕ ᐊᓂᒪ ᑎᐹᔨᑲᓐ ᐱᓯᒧᑳᓂᒃ, ᓇᒪᐎᓚ ᐊᐌᓇ ᑭᔅᑫᓕᑕᒻ, ᓇᒪᐎᓚ, ᓇᒪ ᓀᔥᑕ ᐁᓐᒐᓚᒃ ᑭᒋᑭᔑᑯᒃ ᑳ ᐃᑖᒋᒃ, ᓇᒪ ᓀᔥᑕ ᐅᑯᓯᓯᒪᐤ, ᒫᑲ ᐅᑖᐎᒪᐤ ᐱᑯ᙮

ᐃᔅᐱ ᒫᑲ ᐯᑕᒣᑴ ᓇᑐᐸᓕᐎᓇ, ᓀᔥᑕ ᓇᑐᐸᓕᐎᓇ ᐁ ᑎᐹᑐᑖᑲᓂᐎᑭ, ᐁᑳᐎᓚ ᒥᑯᔥᑳᑌᓕᑕᒧᒃᐧ ᐌᓴ ᐅᐅ ᑐᐎ ᑫᒋᓈᔥ ᑲᑕ ᐃᑭᓋ; ᒫᑲ ᓇᒪᐎᓚ ᐁᔥᑾ ᑲᑕ ᐃᔥᒀᐸᓕᐤ᙮

ᐁᐗᑯ ᐅᒋ ᒫᑲ ᐊᔕᐙᐱᒃ; ᐌᓴ ᓇᒪᐎᓚ ᑭ ᑭᔅᑫᓕᑌᓇᐗᐤ ᐃᔅᐱ ᑌᐯᓕᑕᒃ ᐙᔅᑳᔨᑲᓂᓕᐤ ᑫ ᑕᑯᔑᒃ, ᐁ ᐅᑖᑯᔑᓂᓕᒃ, ᓀᔥᑕᐱᑯ ᐁ ᐋᐱᑕᐤ ᑎᐱᔅᑳᓕᒃ, ᓀᔥᑕᐱᑯ ᐁ ᓄᑖᑯᓯᓕᒋ ᓈᐯ ᐹᑲᐋᒀᓇ, ᓀᔥᑕᐱᑯ ᐁ ᑭᑭᔐᐹᔮᓕᒃ; ᑫᑲ, ᑫᑕᑕᐌ ᑕᑯᔑᑫ, ᑭ ᑳ ᒥᔅᑳᑯᐗᐤ ᐁ ᓂᐹᔦᒃ᙮ ᐊᓂᒪ ᓀᔥᑕ ᑳ ᐃᑎᑖᑾᒃ, ᓂᑦ ᐃᑖᐗᒃ ᒥᓯᐌ, ᐊᔕᐙᐱᒃ᙮

ᐌᓴ ᐁ ᐯᔭᑯᔅᑳᓀᓯᒋᒃ ᐃᓕᓕᐗᒃ ᑲᑕ ᐸᓯᑯᔅᑕᐌᐗᒃ ᐁ ᐱᑐᔥᐃᔅᑳᓀᓯᓕᒋ ᐃᓕᓕᐗ, ᓀᔥᑕ ᐅᑭᒫᐎᐎᓐ ᑯᑕᒃ ᐅᑭᒫᐎᐎᓐ; ᓀᔥᑕ ᓇᓈᑐᒃ ᐃᔑ ᑲᑕ ᑶᑾᓐ, ᑲᑕ ᑲᐗᑲᑖᓂᐗᓐ ᒫᑲ, ᓀᔥᑕ ᑲᑕ ᐊᓕᒥᓯᓈᓂᐗᓐ: ᐅᐅ ᐁᐗᑯ ᐱᒉᓚᒃ ᐁ ᒫᒋᐸᓕᑭ ᓇᓀᑳᑌᓕᒧᐎᓇ᙮

ᒥᓗᐋᒋᒧᐎᓐ ᒫᑲ ᓃᔥᑕᒻ ᑲᑕ ᐙᐎᑖᑲᓂᐗᓐ ᐃᑕ ᐁ ᐃᑖᒋᒃ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᐌᓴ ᒥᒉᑦ ᑲᑕ ᑕᑯᔑᓋᒃ ᓂᑦ ᐃᔑᓂᑳᓱᐎᓂᒃ, ᐁ ᐃᑗᒋᒃ, ᓂᓚ ᐁᐗᒀᓇ ᙭; ᒥᒉᑦ ᒫᑲ ᑲᑕ ᐙᔦᔐᒣᐗᒃ᙮

ᒫᑲ ᔮᒀᒥᓰᒃ ᑭᓚᐗᐤ: ᐌᓴ ᑭ ᑳ ᐸᑭᑎᓂᑯᐙᐗᒃ ᑭᒋ ᑎᐹᔅᑯᓂᑲᐎᔦᒃ; ᓀᔥᑕ ᐋᔭᒥᐁᐎᑲᒥᑯᒃ ᑭ ᑳ ᐅᑕᑕᒪᐅᑳᐎᓇᐗᐤ: ᑭ ᑳ ᐃᑐᑕᐃᑲᐎᓇᐗᐤ ᒫᑲ ᑭᒋ ᐃᑎᔥᑲᐃᔥᑲᐌᑾᒃ ᐅᑭᒫᐗᒃ ᓀᔥᑕ ᑭᒋᐅᑭᒫᐗᒃ ᓂᓚ ᐅᒋ, ᐁᐗᑴᓕᐤ ᑭᒋ ᒫᒥᔑᒥᑯᒋᒃ᙮

ᐌᓴ ᓇᔅᐹᒡ ᙭ᑕᒃ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ ᑲᑕ ᐃᑖᐗᒃ, ᓀᔥᑕ ᑲᑕ ᐙᐸᑎᓕᐌᐗᒃ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ, ᑫ ᐅᒋ ᐙᔦᔑᐋᒋᒃ ᐋᐳᒋᑲ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᒫᑲ ᒣᒀᒡ ᐊᓂᐃ ᑫ ᑭᔑᑳᑭ, ᑭᐃᔥᑾ ᐊᓂᒪ ᐋᓕᒣᓕᑕᒧᐎᓐ, ᐱᓯᒻ ᑲᑕ ᐗᓂᑎᐱᔅᑭᓯᐤ, ᑎᐱᔅᑭᐱᓯᒻ ᓀᔥᑕ ᓇᒪᐎᓚ ᑲᑕ ᒐᑳᓯᑫᐤ; ᐊᒐᑯᔕᒃ ᓀᔥᑕ ᑭᔑᑯᒃ ᑳ ᐊᑯᒋᑭᒃ ᑲᑕ ᐸᑭᔑᓋᒃ, ᑲᔥᑭᐅᐎᓇ ᓀᔥᑕ ᑭᔑᑯᒃ ᑳ ᐃᑕᑾᑭ ᑲᑕ ᓇᓂᑭᐸᓕᐗ᙮