Versets bíblics populars de 1 Co 12

Comparteix

Ñe'me Dios 'uo ga'me yanema joga'me p'etaqadaiquipi, ga'me jo'ne qoyen di'yoĝoma queda'me eja ue'tena ñe'me Lepaqal, qaedi yelo'teguet da'me ena'uaque qolecochiyalo jogaa'me.

Chane'eja 'noota, naqa'ami mach'e Cristo 'loyaĝac, nataq'aen onolqa'tape ami ena'am ta'le ademiya'eguet da'me 'loyaĝac ñe'me Cristo.

Qama'le qom onolec qadoĝojet da'me qat'oyaĝac 'uo da'me lachoĝodec, qama'le yemeda gaa'me qadoĝoje'te 'uo da'me lachoĝode'j. Nach'e naq'aeta qom ga'me lae da'me qanejiyaĝauayaĝac qoya'uo li'yoĝodic qama'le yema da'me qat'oyaĝac machiñe q'aen.

Uo'oe gaa'me jo'ne qoyanema da'me nayatenaĝanaĝac, nataq'aen uo'oe gaa'me qadaqaya'olqa jo'ne qoyanema da'me natetonaĝanaĝac; qalaĝaja nach'eñe ñe'me Dios Lepaqal jo'ne yanema ena'uaque jogaa'me. Uo'oe gaa'me yataqata p'iida'a joñe'me Dios, nataq'aen uo'oe gaa'me qoyanema da'me lañoqotaĝanaĝac da'me e'n yemedegue jogaa'me leuaĝayaqa. Uo'oe ga'me jo'ne qoyanema da'me lañoqotaĝanaĝa'j qaedi yauote da'me lec'alaqataĝanaĝa'j; laqaya' qoyanema da'me lañoqotaĝanaĝa'j qaedi dapaĝaguenataĝatec da'me 'laqataĝanaĝac ñe'me Dios; uo'oe gaa'me qoyanema da'me lañoqotaĝanaĝa'j qaedi yateto'n jach'e jogamaĝa chiyoĝogue ga'me nepaqa'li 'me ja no'en nataq'aen jach'e jogamaĝa chiyoĝogue ñe'me Dios Lepaqal; uo'oe gaa'me qoyanema da'me lañoqotaĝanaĝa'j qaedi yadenaĝa't gaa'me 'naqataqa laqaya', nataq'aen laqaya' qoyanema da'me lañoqotaĝanaĝa'j qaedi doqotenaĝatec gaa'me 'naqataqa laqaya' jo'ne qonenaĝatedegue.

Qalaĝaja nach'eñe ñe'me Dios Lepaqal jo'ne ye't ena'uaque naa'me naajo' uo'oe; onolqa'tape p'etaqadaiquipi nalotapegueta q'aen ga'me yanema.

qaedi da'me qat'oyaĝac ja mach'e niyaqa'a ga'me qadoĝojet, dite da'me onolqa'tape naa'me qadoĝoje'te da'me qat'oyaĝac necochiyapega't.

Uo'oe yodapecache gaa'me nañoqotaĝanaĝaco jo'ne qoyanema joga'me p'etaqadaiquipi, qalaĝaja nach'eñeta ñe'me Dios Lepaqal jo'ne chiyoqo'ot. Uo'oe gaa'me yodapecache 'netagueco da'me qot'onataĝaneuo'o joñe'me, qalaĝaja nach'eñe ñe'me Jaliaĝanec yanema da'me 'nelopague'j ena'uaque jogaa'me. Nataq'aen uo'oe qayoĝode' gaa'me 'netagueco da'me 'nañaĝac, qalaĝaja nach'eñe ñe'me Dios jo'ne t'onataĝanoue ena'uac queda'me 'yonataĝanaĝan yema ga'me p'etaqadaiquipi.

Qama'le Dios yanema onolqa'tape ga'me mach'e 'lonataĝanaĝa'j q'ae'n: 'uaeñe uo'oe gaa'me yanema da'me qaedi namaĝa's, laqaya' yanema da'me qaedi aqataĝanaĝayaqa, laqaya' yanema da'me qaedi paĝaguenataĝanaĝayaqa, laqaya' yanema da'me lañoqotaĝanaĝa'j qaedi yaloĝo'n ga'me ja qoyauanapega, laqaya' yanema da'me lañoqotaĝanaĝa'j qaedi yemedegue q'ae'n joga'me leuaĝayaqa, laqaya' qoyayatenaĝaneque da'me qaedi lecochiyalo jogaa'me jo'ne 'uo da'me louenaĝanaĝa'j, laqaya' qoyanema da'me qaedi dauegaqataĝana'ape, uo'oe gaa'me qoyanema da'me qaedi yadenaĝa't da'me 'naqataqa laqaya'.

Da'me qat'oyaĝac ja onolec ga'me qadoĝojet ta'le netaye, dite da'me qayoĝode' gaa'me qadoĝoje'te.

qa'a naa'me lael da'me qat'oyaĝac jo'ne jenaqatapegalo ch'e uo'oe, nach'enaua jo'ne yataqachiñe p'ajodaye.

Ta'le yema da'me qat'oyaĝac ena'am ta'le 'naete, ¿qo'li jaqanatetaq da'me 'uo ga'me jomachaĝa? Ta'le yema da'me qat'oyaĝac ena'am ta'le nequetela, ¿qo'li jaqanatetaq ta'le 'uo ga'me jetaqa'aguet? Qalaĝaja Dios ena'uaque naa'me qadoĝoje'te yana'ñalo ga'me eetapega tayet ta'le na'ña. Ta'le onolec ga'me qadoĝojet, qaya'te qat'oyaĝac.