Versets bíblics populars de संत.जोहन 14

Comparteix

ईङ आपे लःअय सानती बाईःग तु ओ-दिपीईङ, ईङ आला सानती आपे के एमाअ दिपीईङ जे लकान दुनिया एमेआय होना लकान कनोआँ, आपे आला मन आलु घबराव कोओ आउर आलपे बोर

ईसु हुनी के बेता लियाय “होरा सचाई आउर जिनगी ईङ हेके। ईङ तरअः बेगार सेन कोअते, जाहें बाबा दुबाःड़े एरकु हीःग दड़ीआ।

“आपे आला मन आलु घबराव कोओ।” “परमेसर रे बिसवासेआपे ईङ रे होः बिसवासेपे।

बकिर मा-मदाईती हुनी पबितर आतमा, जेके आपा ईङ आला नुमू रे कुलगोःड कियाय, हुनी आपे के जामा बात सिखाव केपेआय, आउर जे ईङ आपे के बेता ताडपेईङ होना जामा के उईहार चिकेपेआय।

जे ईङ आला हुकूम पड़ीआकु, आउर होना के मनाआकु हिनी ईङ के दुलारिङाय, आउर जे ईङ के दुलारिङाय, हुनी के बाबातिङ दुलार कियाय, आउर हुनी के ईङ होः दुलार कियीङ आउर अपने के हुनी रे दिसतारोईङ।”

ईङ आपा तरअः गोहराईङ, आउर हुनी आपे के मियांड एटाअ मा-मदाईती एम कियाय, जे जुग-जुग आपे लोः ताही कोआय। होना सचाई रेनअः आतमा हेके, जेके दुनिया एरे अपनाव दड़ीआ, एता लःअय ची हुनी, ना हुनी के निलीयाय आउर ना हुनी के पड़ीआय, आपे हुनी के पड़ीआपे, एता लःअय ची हुनी आपे लोः ताहिनोआय आउर हुनी आपे रे ताहिनोआय।

जे होः आपे ईङ आला नुमू रे कोयापे, ईङ आपे के हिना एमा केपेईंग, जेकर से होपोन तरअः आपा आला महिमा हुयाअः। जदि आपे ईङ आला नुमू ईदी केते ईङ तरअः जहान होः कोयापे, दो ईङ आपे के हिना एमा केपेईंग।

“जदि आपे ईङ के दुलारीङा पे दो ईङ आला हुकूम के मनाव कोआपे।

बाबा तिंग ओड़ाअ रे ताहिनोअ लःअय ढेर ठाँव एदनाआ, जदि एरे ताहिकोआ होले आपे के कंहड़ी गुल ताकेईंग, एता लःअय ची ईङ आपे लःअय ठाँव तेतेयार तोराइङा।

आउर जदि ईङ सेन केते ठाँव तेयारेईंग, दो फिन हीःग केते, ईङ आपे के अपन दुबाःड़े इदीपेईंङ, ची जे एड़े ताहिनुईंग होनाःड़े आपे होः ताहिनपे।

थोमस हुनी के बेता लियाय “हे परभु आले नोःआँ होः काले पाड़ीआ ची आम ओकाते तोरामेंआ, दो होंड़े रेनअः होरा एता लकान पाड़ी केआले?”