Versets bíblics populars de Maargoo 13

Comparteix

Anii sabbii uudehay kassuuh iirib hookna indi. Laakiin wꞌagiya ookiik wꞌiimaanooh kaleewiiniib iidhhan indi.

Aflaay digwagwna. Uudoor nhoob iikti indiyeeb kitkanna akay, whawaad seharna.

Baraakna abaktiit tumhakama beeti galeelamteenihoob, naan tiyadneeb whankaay baahasiikna! Bareekna kitteena laakiin Aashuuk Imugaddasa hadiideen. Been oodoor toona tusoomamteeneet toobhaat diina!

Tuubuutwa, taabreewwa iyaayiin. Laakiin aniib ibhali door han iiyyi kiidiin.” idi.

Yasuuꞌa “Been oombꞌi tari beet toosꞌa gaal han kiikan. Imalak kiikanna, Wꞌoor kiikan, been oombꞌi Ubaaba uubhaat ikteen.

Finaabwa, finaay habarwa teemsiiwnihoob, baarakwiina. Baliit taana ibakii door gaal ikatiin. Laakiin tꞌaakhari masi eetni.

Shaawti baraakna han seharana! Ugawi kina naadoor itꞌagiireeb kitkanna. Baruuh whawaad yꞌiiniyeeb, whawaadi tarabeeb yꞌiiniyeeb, karuumaab yꞌiiniyeeb, aawiit yꞌiiniyeeb kitkanna. Baruuh gaalhoob yꞌiiniyeek, diwee biimari hookna. Een ibhali bareeyookna dehaay andiyeeb, kassooh oodehayii dehaay andi, ‘Gwꞌadna!’ andi.” idi.

Haashka haash weer imuuthꞌa indi, whadꞌaaka whadꞌa ooraaw iithꞌa indi. Hargwiitwa, buutiit mibꞌeestwa iikti iyadna. Taan taana kastaah oofraayiit tilhanayti hankaay badooyeen ikatiin.

Laakiin tꞌaakhari baaꞌakaay, awwal usakana udaayi ibakii kasseeh idehayaayee dehaay soomamiini.

Gwida aniib oosmii yꞌeen. Baraah ‘Ani barooh akati’ iyadna. Gwida dehay italisna.

Digwagwna! Uudehay aabiktiit hookna, tumhakama sallameen hookna. Iyahuudi diini gawaayeeb jasaayeen hookna. Ani sabbii aree yhaakmaawwa yhadꞌaayi suuriiwwa tingadiina. Usakana Udaayiib raatamamteena.

Gwisri masiihiiwwa, gwisri nabiyaawwa laween. Gwisreet alaamaatwa mꞌuujisaatwa iikwasi iyadna. Kaꞌadgiriyaan nuun Wꞌankwana waasaab ikatiyeeb italisneet toona jarrabeen.

Baliit teeyina, baliin igwirhaayi harꞌii, tuuyin thibnami tindi, aree tuutrig unuurooh buubsi kitdi. Yhayikw tibreetee dhadhibi iyadna. Tibreeteeb eefeent taana digami iyadna.