Versets bíblics populars de Aromayi 3

ntuge aza vnyanya ɓa kwu leifyi zhni jesnu ɓanyi kwu gba kpekpegye n Shekwoyi latu aba, jesnu aza ɓa kwu ɓəgyikpmaya ɓwa n adaada ntu n əwo shebmyashi ɓo, dna n shnashna n kwo ɓə ɓe dna n Kirisiti Yeisui nyi.

Ɓəfyecezhni ye n kwo gbmi ń Shekwoyi nyi, kwo ɓe dna n gaiciyaganunui dna ń Yeisu Kirisiti, ga aza vnyanya n ɓa kwu gaiciya ga. Yahudiyi to kakai lo n Abyedoi m

Shekwoyi ɓə ga Kirisiti nu n zhni ɓəkaya nyagbmi, dna n əwo amizeya; a ɓa gwo kwo dna n gaiciyaganunui. Wo ɓə zhni dəye nabai wa wu əwo ɓəfyecezhni nu, ntuge dna n əwo bwugbaɓwa wo ɓə kwu aleifyi fa zhi, n a ɓə zhni ń sapa ntna tatagai. Wo ɓə zhni dəye nabai wa wu əwo ɓəfyecezhni nu dna n əsa ye, nabai waa zhni gaiciyada jesnu əza ń wo pmya aza yi n ɓa kwu gaiciyaganunui fyi n Yeisu.

Ntucenu a to ɓə yi zahozahoyi nge ɓəfyeceyi n əwo awyeba ntu ń owa ɓwashi ɓo m; ama kwo snusnu nu nge, dna n owa, yi n ɓəpai lo ntu əyi aleifyi ɓo.

Ngye she kwo kafyilo: “Əza gbmanyi ho to lo n wo zhni ɓəfyeceyi m, kwo gbmanyikaka; əzaho to lo n wo n awyegai lo m, Əza to lo gbmanyi ń wo zna Shekwoyi shni m. Aza vnyanya ɓa la awye pmyiya, əɓa vnyanya ń kwnusnu ɓa kwu zè azagbəlo; əza to lo ń wo zhni əɓo manai lo m, kwo zaknayi.”

Ntuge yi la gyitu nge əza zhni tna-ɓəgyii nu dna n gaiciyaganunui toge ń atnutnu owa ɓwashi nya m.

Kwo taa yezhni m, kpeekpe! Fa Shekwoyi waa zhni gaiciya, ń kasnu zanyikwoci dəhodəhoi waa zhni katayi, ngye she kwo kafyilo: “Nabai ń a ɓa wu nge ho zhni gaiciya nu əsa n ha daɓo jesnu haa knyitu n əsa n ha da owa ncei.”